നടന്‍ മമ്മൂട്ടിയ്ക്ക് കൊവിഡ് സ്ഥിരീകരിച്ചു; പരിപൂര്‍ണ ആരോഗ്യവാനാണെന്ന് ഡോക്ടര്‍മാര്‍; മമ്മൂട്ടി കൊവിഡ് പോസിറ്റീവായത്‌ സി.ബി.ഐ ഫൈവ് എന്ന സിനിമയുടെ ചിത്രീകരണത്തിനിടെ

കൊച്ചി: നടന്‍ മമ്മൂട്ടിയ്ക്ക് കൊവിഡ് സ്ഥിരീകരിച്ചു. എറണാകുളത്ത് സി.ബി.ഐ ഫൈവ് എന്ന സിനിമയുടെ ചിത്രീകരണത്തിനിടെയാണ് താരം കൊവിഡ് പോസിറ്റീവായത്‌. ഇളംകുളത്തുള്ള വീട്ടില്‍ വിശ്രമത്തിലാണ് മമ്മൂട്ടി.

ചെറിയ ജലദോഷവും പനിയും അനുഭവപ്പെട്ടതിനെ തുടര്‍ന്ന് കഴിഞ്ഞ ദിവസം ടെസ്റ്റ് നടത്തിയപ്പോഴാണ് കൊവിഡ് സ്ഥിരീകരിച്ചത്. സിബിഐ ഫൈവിന്റെ ചിത്രീകരണം രണ്ടാഴ്ചത്തേക്ക് നിര്‍ത്തിവച്ചിട്ടുണ്ട്. മമ്മൂട്ടി പരിപൂര്‍ണ ആരോഗ്യവാനാണെന്ന് ഡോക്ടര്‍മാര്‍ അറിയിച്ചു