മമ്മൂട്ടിയുടേതായി തിയേറ്ററുകളിലേക്കെത്തുന്ന പുതിയ ചിത്രമായ പരോളിനായി അക്ഷമയോടെ കാത്തിരിക്കുകയാണ് ആരാധകര്.മാര്ച്ച് 31 ന് ചിത്രം തിയേറ്ററുകളിലേക്കെത്തുമെന്നുള്ള വിവരമായിരുന്നു നേരത്തെ ലഭിച്ചത്. എന്നാല് റിലീസ് ചെയ്യാന് മണിക്കൂറുകള് ശേഷിക്കുന്നതിനിടയില് ആരാധകരെ തീര്ത്തും നിരാശപ്പെടുത്തുന്ന തരത്തിലുള്ള വാര്ത്തയാണ് പുറത്തുവന്നത്. ഫേസ്ബുക്ക് പേജിലൂടെ അണിയറപ്രവര്ത്തകര് തന്നെയാണ് റിലീസ് മാറ്റി വെച്ചതിനെക്കുറിച്ച് അറിയിച്ചത്.
മേക്കിങ്ങിലും പ്രമേയത്തിലും മമ്മൂട്ടിയുടെ ലുക്കിലും ഏറെ പ്രത്യേകതയുള്ള ചിത്രത്തെക്കുറിച്ചുള്ള പ്രതീക്ഷകള് ഉയര്ന്നുകൊണ്ടേയിരിക്കുകയാണ്. ടീസറുകളും ട്രെയിലറും ഗാനവുമെല്ലാം ഈ പ്രതീക്ഷയുടെ തോത് വര്ധിപ്പിച്ചിരിക്കുകയാണ്. പരോളിന്റെ റിലീസിന് വന്വരവേല്പ്പ് നല്കാനുള്ള തയ്യാറെടുപ്പിലായിരുന്നു മെഗാസ്റ്റാര് ആരാധകര്. റിലീസ് മാറ്റിയതിനെക്കുറിച്ച് അറിഞ്ഞതോടെ ആരാധകരും നിരാശയിലാണ്.
സിനിമ റിലീസ് ചെയ്യാന് മണിക്കൂറുകള് ശേഷിക്കുന്നതിനിടയിലാണ് ആരാധകരെ നിരാശപ്പെടുത്തുന്ന വാര്ത്ത പുറത്തുവന്നത്. നേരത്തെ നല്കിയ വിവരമനുസരിച്ച് ശനിയാഴ്ചയായിരുന്നു സിനിമ പ്രേക്ഷകര്ക്ക് മുന്നിലെത്തേണ്ടിയിരുന്നത്. എന്നാല് അവസാന നിമിഷമാണ് റിലീസ് മാറ്റിയത്. റിലീസ് മാറ്റിവെക്കുന്നുവെന്ന തരത്തില് സോഷ്യല് മീഡിയയിലൂടെ പ്രചാരണങ്ങളുണ്ടായിരുന്നു. മണിക്കൂറുകള് പിന്നിടുന്നതിനിടയില് അണിയറപ്രവര്ത്തകരും ആ വാര്ത്ത സ്ഥിരീകരിച്ച് രംഗത്തെത്തി. ഇതോടെയാണ് ആരാധകര്ക്ക് നിരാശയായത്.
സിനിമയുടെ സാങ്കേതികമായ ജോലികള് പൂര്ത്തിയാവാത്തതിനെത്തുടര്ന്നാണ് റിലീസ് മാറ്റിയതെന്നാണ് അണിയറപ്രവര്ത്തകര് വ്യക്തമാക്കിയിട്ടുള്ളത്. പ്രേക്ഷകരുടെ പിന്തുണ തുടര്ന്നും ആവശ്യമാണെന്നും അണിയറപ്രവര്ത്തകര് കുറിച്ചിട്ടുണ്ട്. മമ്മൂട്ടിയും ഈ പോസ്റ്റ് ഷെയര് ചെയ്തിട്ടുണ്ട്.