ലണ്ടന്: ഇംഗ്ലീഷ് പ്രീമിയര് ലീഗില് എവര്ട്ടണെതിരെ മാഞ്ചസ്റ്റര് സിറ്റിക്ക് ജയം. ഒന്നിനെതിരെ രണ്ടു ഗോളുകള്ക്കാണ് നിലവിലെ ചാമ്പ്യന്മാരായ സിറ്റിയുടെ ജയം. എത്തിഹാദ് സ്റ്റേഡിയത്തില് നടന്ന മത്സരത്തിന്റെ രണ്ടാം പകുതിയിലാണ് മൂന്നു ഗോളുകളും പിറന്നത്.
ഇരട്ടഗോളുമായി ഗബ്രിയല് ജീസസാണ് (51, 58) സിറ്റിക്ക് വിജയമൊരുക്കിയത്. റിച്ചാര്ലിസണ്(71) ആണ് എവര്ട്ടണിന്റെ ആശ്വാസഗോള് നേടിയത്. ജയത്തോടെ 21 മത്സരത്തില് 44 പോയിന്റുമായി മൂന്നാമതാണ് സിറ്റി.
കാര്ലോ ആഞ്ചലോട്ടി പരിശീലകനായി ചുമതലയേറ്റതിന് ശേഷം എവര്ട്ടണ് നേരിടുന്ന ആദ്യ തോല്വിയാണിത്. 25 പോയിന്റുള്ള എവര്ട്ടണ് പോയിന്റ് പട്ടികയില് പതിനൊന്നാം സ്ഥാനത്താണ്.