മുംബൈ: ഇന്ത്യന് ക്രിക്കറ്റ് താരം മനീഷ് പാണ്ഡെ വിവാഹിതനാകുന്നു. ഡിസംബര് രണ്ടിനു മുംബൈയിലാകും വിവാഹമെന്നാണു റിപ്പോര്ട്ട്.
തമിഴ് ചലച്ചിത്ര താരം ആശ്രിത ഷെട്ടിയാണു വധു. മുംബൈ സ്വദേശിനിയായ ആശ്രിത ഷെട്ടി, മോഡല് കൂടിയാണ്. ഒരു കന്നിയും മൂന്നു കളവാണികളും, ഉദയം എന്എച്ച്4 എന്നീ തമിഴ് ചിത്രങ്ങളില് വേഷമിട്ടിട്ടുണ്ട്.
നിലവില് വിജയ് ഹസാരെ ട്രോഫിയില് കര്ണാടകയുടെ നായകനാണു മുപ്പതുകാരനായ മനീഷ് പാണ്ഡെ. 2015 ജൂലൈ 14-ന് ഇന്ത്യയ്ക്കായി അരങ്ങേറ്റം കുറിച്ച പാണ്ഡെ 23 ഏകദിനങ്ങളും 31 ട്വന്റി 20 മത്സരങ്ങളും കളിച്ചിട്ടുണ്ട്.