/sathyam/media/post_attachments/x3nccIP4AFu7YcEi98JX.jpg "publive-image")
മുഖ്യമന്ത്രി മനോഹര്‍ പരീക്കര്‍ ചികിത്സയില്‍ തുടരവെ ഗോവയില്‍ സര്‍ക്കാറുണ്ടാക്കാനുള്ള അവകാശവാദം ഉന്നയിച്ച് വീണ്ടും കോണ്‍ഗ്രസ്. പ്രതിപക്ഷ നേതാവ് ചന്ദ്രകാന്ദ് കാവ്‌ലേക്കറാണ് അവകാശവാദമുയര്‍ത്തിയിരിക്കുന്നത്. ഇതുസംബന്ധിച്ച്‌ ഗവര്‍ണര്‍ മൃദുല സിന്‍ഹയ്ക്ക് കോണ്‍ഗ്രസ് കത്തുനല്‍കി.
ഗോവയില്‍ ബി-ജെ.പി സഖ്യത്തിന് ഭൂരിപക്ഷം നഷ്ടപ്പെട്ടെന്ന് കത്തില്‍ ചൂണ്ടിക്കാണിക്കുന്നു. നിലവിലെ സര്‍ക്കാറിനെ പിരിച്ചുവിട്ട് ഏറ്റവും വലിയ ഒറ്റകക്ഷിയായ കോണ്‍ഗ്രസിനെ സര്‍ക്കാറുണ്ടാക്കാന്‍ ക്ഷണിക്കണമെന്നും കത്തിലൂടെ ആവശ്യപ്പെടുന്നു.
മുഖ്യമന്ത്രി മനോഹര്‍ പരീക്കര്‍ അസുഖബാധിതനായതോടെ ഗോവയില്‍ ഭരണസ്തംഭനമാണെന്നും കോണ്‍ഗ്രസ് ആരോപിച്ചു. മനോഹര്‍ പരീക്കര്‍ നേതൃത്വം നല്‍കുന്ന സര്‍ക്കാരില്‍ ജനങ്ങള്‍ക്ക് ഇപ്പോള്‍ വിശ്വാസമില്ല.നിയമസഭയിലും സര്‍ക്കാരിന് വിശ്വാസം നഷ്‍ടമായിരിക്കുകയാണെന്നും കോണ്‍ഗ്രസ് ആരോപിച്ചു.
നിയമസഭയിലെ ഏറ്റവും വലിയ ഒറ്റക്കക്ഷിയാണ് കോണ്‍ഗ്രസ്. ബിജെപി എംഎല്‍എ ഫ്രാന്‍സിസ് ഡിസൂസ നിര്യാതനായതോടെ സര്‍ക്കാരിന് ഭൂരിപക്ഷം നഷ്ടമായെന്നും കോണ്‍ഗ്രസ് വ്യക്തമാക്കി.
Follow Us/sathyam/media/agency_attachments/5VspLzgrB7PML1PH6Ix6.png)
