ന്യൂഡല്ഹി: ഡല്ഹി നിയമസഭാ തെരഞ്ഞെടുപ്പില് ബിജെപി കോണ്ഗ്രസിനെതിരേയാണു മത്സരിക്കുന്നതെന്നു സംസ്ഥാന ബിജെപി അധ്യക്ഷന് മനോജ് തിവാരി. ഡല്ഹിയില് എഎപിയേക്കാള് മെച്ചപ്പെട്ട അവസ്ഥയിലാണു കോണ്ഗ്രസ് എന്നും തിവാരി പറഞ്ഞു.ഒരു ദേശീയ മാധ്യമത്തിനു നല്കിയ അഭിമുഖത്തിലായിരുന്നു തിവാരിയുടെ പരാമര്ശം.
ഫെബ്രുവരി 11-ന് ബിജെപി ഡല്ഹിയില് അധികാരത്തില് വരും. ഡല്ഹിയില് ബിജെപിയുടെ മത്സരം കോണ്ഗ്രസിന് എതിരേയാണ്. എഎപിയെ എതിരാളികളായി പരിഗണിക്കുന്നില്ല. മുസ്ലിം വോട്ടുകള് ലക്ഷ്യമിട്ടു ധ്രുവീകരണം നടത്താന് ഇരുപാര്ട്ടികളും മത്സരിക്കുകയാണെന്നും ഡല്ഹി ബിജെപി അധ്യക്ഷന് കുറ്റപ്പെടുത്തി.
ബിജെപിയുമായി പോരടിച്ചു കേജരിവാള് അഞ്ചു വര്ഷം നഷ്ടപ്പെടുത്തിയെന്നും ഷര്ജീല് ഇമാമിനെപോലുള്ള ദേശവിരുദ്ധ ശക്തികള്ക്കു കുടപിടിക്കുന്നതിലാണു കെജ്രിവാളിന്റെ ശ്രദ്ധയെന്നും തിവാരി കുറ്റപ്പെടുത്തി.