മുംബൈ : മീ ടൂ വെളിപ്പെടുത്തലിൽ കുടുങ്ങിയ സിഇഒ രാഹുൽ ജോഹ്റിയോട് ബിസിസിഐ വിശദീകരണം ആവശ്യപ്പെട്ടു. ഒരാഴ്ചയ്ക്കുള്ളിൽ മറുപടി നൽകണമെന്നാണ് ബിസിസിഐ ആവശ്യപ്പെട്ടിരിക്കുന്നത്. ജോഹ്റിയുടെ വിശദീകരണം ലഭിച്ചശേഷം കൂടുതൽ നപടികളുണ്ടാകുമെന്നും ബിസിസിഐ പ്രസ്താവനയിൽ പറഞ്ഞു. നേരത്തെ സുപ്രീംകോടതി നിയോഗിച്ച കമ്മിറ്റി ഓഫ് അഡ്മിനിസ്ട്രേറ്റേഴ്സും (സിഒഎ) ജോഹ്റിയോട് വിശദീകരണം ആവശ്യപ്പെ ട്ടിരുന്നു.
ജോഹ്റിക്കെതിരേ പേര് പുറത്തുവിടാത്ത യുവതിയാണ് രംഗത്ത് എത്തിയിരിക്കുന്നത്. ജോഹ്റി മുമ്പ് ജോലി ചെയ്തിരുന്ന നീച്ചെ സാറ്റ്ലൈറ്റ് ചാനലിലെ ജീവനക്കാരിയാണ് ആരോപണം ഉന്നയിച്ചത്.