ഡൽഹി: മാനസികാരോഗ്യ ചികിത്സാ മേഖലയിലെ ആഗോള മികവിനുള്ള 2018ലെ അന്താരാഷ്ട്ര പുരസ്കാരം മലയാളിയായ ഡോ. റോയി ഏബ്രഹാം കള്ളിവയലിന്. മോസ്കോയിൽ നടന്ന രണ്ടാമത് ലോക മെന്റൽ ഹെൽത്ത് കോണ്ഗ്രസിൽ റഷ്യയിലെ യൂണിയൻ മെന്റൽ ഹെൽത്ത് പ്രസിഡന്റ് നടാലിയ ട്രൂഷ്നിക്കോവയിൽനിന്ന് ഡോ. റോയി പുരസ്കാരം ഏറ്റുവാങ്ങി.
ലോക സൈക്യാട്രിക് അസോസിയേഷൻ അന്താരാഷ്ട്ര സെക്രട്ടറി ജനറലും വേൾഡ് അസോസിയേഷൻ ഫോർ സോഷ്യൽ സൈക്യാട്രിയുടെ പ്രസിഡന്റുമാണ് ഡോ. റോയി.
തിരുവല്ല പുഷ്പഗിരി മെഡിക്കൽ കോളജിലെ സൈക്യാട്രി വിഭാഗം തലവനും പ്രഫസറുമായ ഇദ്ദേഹം പാലാ കള്ളിവയലിൽ പരേതനായ കെ.എ. ഏബ്രഹാമിന്റെയും അമ്മിണിയുടെയും മകനാണ്.