Delhi

കേന്ദ്രത്തിൽ സർക്കാർ രൂപീകരിക്കാൻ അവകാശവാദം ഉന്നയിക്കാൻ ഇന്ത്യാ മുന്നണിയും. നിതീഷ് കുമാറിനെയും ചന്ദ്രബാബു നായിഡുവിനെയും ചേർത്തു പിടിച്ച് സർക്കാരുണ്ടാക്കാൻ ശ്രമം. സർക്കാർ രൂപീകരണ ചുമതലയും കെ.സി വേണുഗോപാലിന്. എക്സിറ്റ് പോളുകളെല്ലാം വെറും പൊളിയെന്ന് തെളിയിച്ച് ഇന്ത്യാ മുന്നണിയുടെ തേരോട്ടം. വലിയ ഒറ്റക്കക്ഷിയായെങ്കിലും സർക്കാർ രൂപീകരണത്തിന് വിയർത്ത് ബി.ജെ.പി. അവസരവാദ രാഷ്ടീയത്തിന്റെ തലതൊട്ടപ്പന്മാരായ നിതീഷിനും നായിഡുവിനും പൊന്നുംവില

സർക്കാർ രൂപീകരണത്തിനുള്ള എല്ലാ സാധ്യതകളും പരിശോധിക്കുമെന്ന് കോൺഗ്രസിന്റെ സംഘടനാ ചുമതലയുള്ള ജനറൽ സെക്രട്ടറി കെ.സി. വേണുഗോപാൽ വ്യക്തമാക്കി. ടിഡിപി ഉൾപ്പെടെയുള്ള കക്ഷികളുടെ പിന്തുണ കോൺഗ്രസ് തേടിയിട്ടുണ്ട്. ആന്ധ്രപ്രദേശിൽ തകർപ്പൻ പ്രകടനവുമായി തിരിച്ചുവരവു നടത്തിയ ചന്ദ്രബാബു നായിഡു, ബിഹാറിൽ മികച്ച പ്രകടനം കാഴ്ചവച്ച നിതീഷ് കുമാർ എന്നിവരുടെ പിന്തുണ സർക്കാർ രൂപീകരണത്തിൽ നിർണായകമാവും.