New Update
ന്യൂഡൽഹി: പ്രവാസികളുടെ തിരിച്ചുവരവ് കേരളത്തിൽ ഊർജിതമായതോടെ അവർക്കു താമസ സൗകര്യം ഒരുക്കാൻ ഡൽഹിയിലെ ഫരീദാബാദ് സീറോ മലബാർ രൂപത രംഗത്ത്. തൊടുപുഴക്കടുത്തുള്ള തൊമ്മൻകുത്തിലെ രൂപതയുടെ സെമിനാരിയാണ് ഐസൊലേഷൻ സൗകര്യം ഒരുക്കാനായി സർക്കാരിനു നൽകിയത്.
നാല്പതോളം പേർക്ക് ഇവിടെ താമസിക്കാനാകും. ജില്ലാ കളക്ടറും വില്ലേജ് അധികൃതരും ഇതു സംബന്ധിച്ചു രേഖകൾ റെക്ടർ ഫാ. ജേക്കബ് നങ്ങേലിമാലിക്ക് കൈമാറി. ഇടുക്കി ജില്ലാ ദുരന്ത നിർമാർജന അഥോറിറ്റി ചെയർമാനാണ് ഇതിനായുള്ള അറിയിപ്പു നൽകിയത്.
സമൂഹനന്മയ്ക്കായുള്ള എല്ലാ സംരഭങ്ങളുമായി കത്തോലിക്കാ സഭയും ഫരീദാബാദ് രൂപതയും സഹകരിക്കുമെന്ന് രൂപതാധ്യക്ഷൻ ആർച്ച്ബിഷപ് മാർ കുര്യാക്കോസ് ഭരണികുളങ്ങര പറഞ്ഞു.
ഫാ. ജേക്കബ് നങ്ങേലിമാലിൽ, ഫാ. അരുണ് മഠത്തുംപടി എന്നിവരാണ് തൊമ്മൻകുത്തിലെത്തുന്നവർക്ക് ആവശ്യമായ സൗകര്യങ്ങൾ ഏർപ്പാടാക്കാൻ നേതൃത്വം നൽകിയത്.