മുംബൈ: മുംബൈയിൽ ശക്തമായ മഴ തുടരുന്നു. അടുത്ത 24 മണിക്കൂറോളം മഴ തുടരാൻ സാധ്യതയുണ്ടെന്നും മുന്നറിയിപ്പ് നൽകിയിട്ടുണ്ട്. നഗരത്തിലെ റോഡുകളിൽ വെള്ളം നിറഞ്ഞ് ഗതാഗതം സ്തംഭിച്ചു. ദാദർ, പരേൽ, ബാന്ദ്ര, ബോരിവല്ലി അന്ദേരി എന്നിവിടങ്ങളിലാണ് റോഡിൽ വെള്ളം കയറിയത്.
മഴയെ തുടര്ന്ന് ഇന്നും ട്രെയിൻ-വിമാന സർവീസുകൾ തടസ്സപ്പെട്ടു. നിരവധി ട്രെയിനുകൾ വൈകുകയും ലണ്ടനിൽ നിന്നുള്ള ജെറ്റ് എയർവേസ് വിമാനം അഹമ്മദാബാദിലേക്ക് വഴിതിരിച്ച് വിടുകയും ചെയ്തു.
വൈദ്യുത വിതരണത്തിൽ വന്ന പ്രതിസന്ധി കാരണമാണ് ട്രെയിനുകൾ വൈകിയത്. റെയിൽവേയുടെ സെൻട്രൽ ലൈനിൽ 15 മിനിറ്റ് വരെ ട്രെയിനുകൾ വൈകും.