ബംഗളൂരു: അമ്മ വഴക്ക് പറഞ്ഞതിനെ തുടര്ന്ന് മെട്രോ ട്രെയിനിനു മുന്നില് ചാടി ജീവനൊടുക്കാന് ശ്രമിച്ച കൗമാരക്കാരന് അദ്ഭുതകരമായി രക്ഷപെട്ടു. ബംഗളൂരുവില് വെള്ളിയാഴ്ചയായിരുന്നു സംഭവം. വൈകി എത്തിയതിനു അമ്മ വഴക്കുപറഞ്ഞതിനുള്ള മനോവിഷമത്തില് പതിനെട്ടുകാരനായ വിദ്യാര്ഥിയാണ് ജീവനൊടുക്കാന് ശ്രമിച്ചത്.
ട്രെയിന് ഡ്രൈവര് മദിവല്ലപ്പ കൗമാരക്കാരന് ട്രാക്കിലേക്കു ചാടുന്നതുകണ്ട് സഡന്ബ്രേക്ക് ഉപയോഗിച്ച് ട്രെിയിന് നിര്ത്തിയതാണ് അപകടം ഒഴിവാക്കിയത്. എന്നാല് വീഴ്ചയില് പരിക്കേറ്റ കൗമാരക്കാരനെ ആശുപത്രിയില് പ്രവേശിപ്പിച്ചു.
വിദ്യാര്ഥിയുടെ മാതാപിതാക്കള് ബംഗളൂരുവില് തുന്നല്ക്കട നടത്തുകയാണ്. സംഭവമറിഞ്ഞ് കര്ണാടക മുഖ്യമന്ത്രി എച്ച്.ഡി കുമാരസ്വാമി ആശുപത്രിയിലെത്തി കൗമാരക്കാരനെ സന്ദര്ശിച്ചു.