ജമ്മു കശ്മീരില്‍ സൈന്യവുമായുള്ള ഏറ്റുമുട്ടലില്‍ രണ്ട് ലഷ്‌കര്‍ കമാന്‍ഡര്‍മാര്‍ കുടുങ്ങി

ഡല്‍ഹി: ജമ്മു കശ്മീരിലെ പുല്‍വാമ ജില്ലയില്‍ സുരക്ഷാ സേനയുമായുണ്ടായ ഏറ്റുമുട്ടലിനിടെ ലഷ്‌കര്‍-ഇ-തൊയ്ബയുടെ ശാഖയായ ദി റെസിസ്റ്റന്‍സ് ഫ്രണ്ടിലെ രണ്ട് ഉന്നത കമാന്‍ഡര്‍മാര്‍ കുടുങ്ങി. തെക്കന്‍ കശ്മീരിലെ പുല്‍വാമ ജില്ലയില്‍ താമസിക്കുന്ന റയീസ് അഹമ്മദും റിയാസ് അഹമ്മദ് ദാറുമാണ് കുടുങ്ങിയത്.

പുല്‍വാമയിലെ നെഹാമ മേഖലയില്‍ ഭീകരരുടെ ഒളിത്താവളത്തെക്കുറിച്ച് സുരക്ഷാ സേനയ്ക്ക് വിവരം ലഭിച്ചതിനെ തുടര്‍ന്നാണ് ഏറ്റുമുട്ടല്‍ ആരംഭിച്ചത്.

സുരക്ഷാ സേനയും പോലീസും തിരച്ചില്‍ ആരംഭിച്ചതോടെ ഭീകരര്‍ അവര്‍ക്ക് നേരെ വെടിയുതിര്‍ക്കുകയും വെടിവയ്പ്പിന് കാരണമാവുകയുമായിരുന്നു. വെടിവയ്പ്പ് നടക്കുന്നുണ്ടെന്നും ഇരുവശത്തും ഇതുവരെ ആളപായമൊന്നും റിപ്പോര്‍ട്ട് ചെയ്തിട്ടില്ലെന്നും ഒരു പോലീസ് ഉദ്യോഗസ്ഥന്‍ പറഞ്ഞു.