/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/kEgXjrBj0L3e5EoUZkNC.jpg)
ഡല്‍ഹി: ഡല്‍ഹിയിലെ ജനങ്ങള്‍ക്ക് വെള്ളം നല്‍കണമെന്നാവശ്യപ്പെട്ട് ഡല്‍ഹി ജലമന്ത്രി അതിഷി അനിശ്ചിതകാല നിരാഹാര സമരം നടത്താനൊരുങ്ങുന്നു. 11 മണിക്ക് രാജ്ഘട്ടില്‍ അവര്‍ മഹാത്മാഗാന്ധിക്ക് ആദരാഞ്ജലി അര്‍പ്പിക്കും. ഇതിന് ശേഷം ജംഗ്പുരയിലെ ഭോഗല്‍ കോളനിയില്‍ ഉപവാസമിരിക്കും.
ഹരിയാനയില്‍ നിന്ന് ഡല്‍ഹിക്ക് 613 ദശലക്ഷം ഗാലന്‍ വെള്ളം ലഭിക്കണമെന്നും എന്നാല്‍ ഹരിയാന 513 എംജിഡി വെള്ളമേ നല്‍കുന്നുള്ളൂവെന്നും അതിഷി പറഞ്ഞു.
ഹരിയാനയില്‍ നിന്ന് ഡല്‍ഹിയിലേക്ക് പ്രതിദിനം 100 എംജിഡി വെള്ളമാണ് എത്തുന്നത്. ഇത് ജലക്ഷാമം സൃഷ്ടിക്കുകയും 28 ലക്ഷത്തിലധികം ആളുകള്‍ക്ക് അര്‍ഹമായ വെള്ളം ലഭിക്കാതിരിക്കുകയും ചെയ്യുന്നു.
ഡല്‍ഹിയിലെ 28 ലക്ഷം ജനങ്ങളുടെ അവകാശങ്ങള്‍ ഹരിയാന സര്‍ക്കാര്‍ വിട്ടുകൊടുക്കും വരെ ഞാന്‍ അനിശ്ചിതകാല നിരാഹാരമിരിക്കും. ഈ സമയത്ത് ഡല്‍ഹിയില്‍ കടുത്ത ചൂടാണ് അനുഭവപ്പെടുന്നതെന്നും മന്ത്രി പറഞ്ഞു. ഈ കൊടുംചൂടില്‍ ഡല്‍ഹിയിലെ ജനങ്ങള്‍ ബുദ്ധിമുട്ടുകയാണ്.
പ്രതിദിനം 1005 ദശലക്ഷം ഗാലന്‍ ആണ് ഡല്‍ഹിയിലെ മൊത്തം ജലവിതരണം. ഇതില്‍ 613 എംജിഡി ഹരിയാനയില്‍ നിന്നാണ്. എന്നാല്‍ കഴിഞ്ഞ കുറച്ചു ദിവസങ്ങളായി ഹരിയാന 513 എംജിഡി വെള്ളമാണ് നല്‍കുന്നത്.
അതായത് ഡല്‍ഹിയില്‍ പ്രതിദിനം 100 ദശലക്ഷം ഗാലന്‍ വെള്ളമാണ് കുറവുവരുന്നത്. ഇതുമൂലം ഡല്‍ഹിയിലെ 28 ലക്ഷത്തിലധികം ആളുകള്‍ക്ക് ശരിയായ ജലവിതരണം ലഭിക്കുന്നില്ലെന്നും മന്ത്രി പറഞ്ഞു.