മെക്സിക്കോ സിറ്റി: മെക്സിക്കോയിലെ ഗ്വാന്ജുവാറ്റോ സംസ്ഥാനത്ത് ബാറിലുണ്ടായ വെടിവയ്പില് നാലു സ്ത്രീകള് ഉള്പ്പെടെ 11 പേര് കൊല്ലപ്പെട്ടു. ജാരല് ഡെല് പ്രോഗ്രെസോ പട്ടണത്തിനടുത്തുള്ള ബാറിലാണ് സംഭവമുണ്ടായത്.
ബാറിലേക്ക് ഇരച്ചെത്തിയ ആയുധധാരികള് നിറയൊഴിക്കുകയായിരുന്നു. മരിച്ച നാലു സ്ത്രീകള് ബാറില് നര്ത്തകരായി ജോലി ചെയ്തിരുന്നവരാണ്. മയക്കുമരുന്ന് സംഘമാണ് ആക്രമണം നടത്തിയതെന്ന് സംശയിക്കുന്നതായി പോലീസ് പറഞ്ഞു.