ലക്നോ: ഉത്തര്പ്രദേശിലെ ഹാപുരില് വീട്ടുമുറ്റത്ത് കളിച്ചുകൊണ്ടിരുന്ന ആറു വയസുകാരിയെ തട്ടിക്കൊണ്ടുപോയി ക്രൂരമായി പീഡിപ്പിച്ചു. ആശുപത്രിയില് പ്രവേശിപ്പിച്ച കുട്ടിയുടെ ആരോഗ്യനില ഗുരുതരമായി തുടരുകയാണ്.
വ്യാഴാഴ്ച വീട്ടു മുറ്റത്ത് കളിച്ചുകൊണ്ടിരുന്ന കുട്ടിയെ ബൈക്കിലെത്തിയ ഒരാള് തട്ടിക്കൊണ്ടു പോകുകയായിരുന്നു. കുട്ടിയെ കാണാതായതിനെ തുടര്ന്ന് ബന്ധുക്കളും പ്രദേശവാസികളും തെരച്ചില് നടത്തുകയും കോട്ട്വാലി പോലീസ് സ്റ്റേഷനില് പരാതി നല്കുകയും ചെയ്തു.
പിന്നീട് വെള്ളിയാഴ്ച പുലര്ച്ചയോടെയാണ് കുട്ടിയെ കണ്ടെത്തിയത്. രക്തത്തില് കുളിച്ച നിലയിലായിരുന്നു കുട്ടി. ഉടന് തന്നെ കുട്ടിയെ ആശുപത്രിയില് പ്രവേശിപ്പിച്ചു. ഇവിടെ നിന്നും മീററ്റ് മെഡിക്കല് കോളജ് ആശുപത്രിയിലേക്കു കുട്ടിയെ മാറ്റി.
കുട്ടി ക്രൂരമായ പീഡനത്തിന് ഇരയായെന്നും കുട്ടിയുടെ സ്വകാര്യഭാഗങ്ങള് പ്രതി വികൃതമാക്കിയെന്നും ഡോക്ടര്മാര് വ്യക്തമാക്കി.പ്രതിയ്ക്കായുള്ള തെരച്ചില് ഊര്ജ്ജിതമായി നട്കുന്നു.