കരുനാഗപ്പള്ളിയില്‍ പ്രഭാത സവാരിയ്ക്കിറങ്ങിയ 18കാരനെ കാണാതായി

കരുനാഗപ്പള്ളി: പ്രഭാത സവാരിയ്ക്കിറങ്ങിയ വിദ്യാർത്ഥിയെ കാണാതായി. അമൃതപുരി പറയകടവ് കല്ലുമ്മൂട്ടിൽ വീട്ടിൽ സുജിചന്ദ്രൻ- പ്രവീണ ദമ്പതികളുടെ മകൻ ഏകനാഥ് (18) നെയാണ് കാണാതായത്.തിങ്കളാഴ്ച രാവിലെ 4.30 ഓടെ അമൃതാനന്ദമയി ആശ്രമത്തിന് മുന്നിലുള്ള വീട്ടിൽ നിന്നും പ്രഭാത സവാരിയ്ക്ക് പോയതായിരുന്നു.പിന്നീട് വിദ്യാർത്ഥിയെക്കുറിച്ച് യാതൊരു വിവരവുമില്ല.

വെളുപ്പും നീലയും കലർന്ന ടീ ഷർട്ടും നിക്കറുമായിരുന്നു കാണാതാകുമ്പോഴുള്ള വേഷം.ഏകദേശം 170 സെ.മി ഉയരം. കണ്ടുകിട്ടുന്നവർ അടുത്തുള്ള പൊലീസ് സ്റ്റേഷനിലോ, 94961 05786 എന്ന ഫോൺ നമ്പരിലോ അറിയിക്കണമെന്ന് അപേക്ഷിക്കുന്നു.