മുംബൈ: അഭിനയത്തില് സവിശേഷ പാടവംകൊണ്ട് ശ്രദ്ധേയയായ ബോളിവുഡ് നടി താപ്സീ പന്നു ഇപ്പോള് ക്രിക്കറ്റ് കളിക്കാന് പഠിക്കുന്ന തിരക്കിലാണ്. വെറുമൊരു ഹോബിയായല്ല താപ്സീ ക്രീസിലിറങ്ങുന്നതെന്ന് മാത്രം. ബാറ്റും ബോളുമായി അവര് മല്ലിടുന്നത് ഒരു സിനിമയുടെ പുര്ണതക്കുവേണ്ടിയാണ്.
ആധുനിക ക്രിക്കറ്റില് ഇന്ത്യയുടെ അഭിമാനമായ വനിതാ താരം മിതാലി രാജിന്റെ ജീവിത കഥ സിനിമയാക്കി മാറ്റുന്ന 'സബാഷ് മിത്തു'വിലെ ടൈറ്റില് റോള് ഗംഭീരമാക്കുന്നതിനുവേണ്ടിയാണ് ഈ മുന്നൊരുക്കം.
പ്രശസ്ത കോച്ച് നൂഷിന് അല് ഖദീറിനൊപ്പമാണ് താപ്സീ ക്രിക്കറ്റ് പരിശീലിക്കുന്നത്. ബാറ്റിങ് സ്റ്റൈലും ഫൂട്വര്ക്കുമടക്കം സ്ക്രീനിലെ ചുവടുകള് ഒരു പ്രൊഫഷനല് ക്രിക്കറ്ററുടേതിന് സമാനമായിരിക്കണമെന്ന ആഗ്രഹത്താലാണ് താപ്സീ ക്രിക്കറ്റിന്റെ വിദഗ്ധ രീതികള് പഠിച്ചെടുക്കാന് ശ്രമിക്കുന്നത്.