മോ​ദി​യു​ടെ ബ​ന്ധു​വി​നെ കൊ​ള്ള​യ​ടി​ച്ച പ്ര​തി​ക​ളെ കു​ടു​ക്കി​യ​ത് സിസിടിവി ദൃശ്യങ്ങള്‍; എ​ഴു​ന്നൂ​റി​ല്‍ അ​ധി​കം പോ​ലീ​സു​കാ​ര്‍ ഇ​രു​ന്നോ​റോ​ളം സി​സി​ടി​വി ദൃ​ശ്യ​ങ്ങ​ള്‍ പ​രി​ശോ​ധി​ച്ചു ...ഒടുവില്‍ പ്രതികള്‍ പിടിയിലായി

ന്യൂ​ഡ​ല്‍​ഹി: ഡ​ല്‍​ഹി​യി​ലെ അ​തീ​വ സു​ര​ക്ഷാ മേ​ഖ​ല​യി​ല്‍ വെ​ച്ച്‌ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ സ​ഹോ​ദ​ര പു​ത്രി​യു​ടെ ബാ​ഗും പ​ണ​വും ത​ട്ടി​യെ​ടു​ത്ത​വ​രെ കു​ടു​ക്കാ​ന്‍ ഡ​ല്‍​ഹി പോ​ലീ​സ് ഒ​രു​ക്കി​യ​ത് വ​ന്‍ സ​ന്നാ​ഹം.

മോ​ദി​യു​ടെ സ​ഹോ​ദ​ര​ന്‍ പ്ര​ഹ്ളാ​ദ് മോ​ദി​യു​ടെ പു​ത്രി ദ​മ​യ​ന്തി ബെ​ന്‍ മോ​ദി​യു​ടെ ബാ​ഗ് ബൈ​ക്കി​ലെ​ത്തി​യ ര​ണ്ടം​ഗ സം​ഘം ക​ഴി​ഞ്ഞ ശ​നി​യാ​ഴ്ച​യാ​ണ് ത​ട്ടി​യെ​ടു​ത്തു ക​ട​ന്നു ക​ള​ഞ്ഞ​ത്.

എ​ഴു​ന്നൂ​റി​ല്‍ അ​ധി​കം പോ​ലീ​സു​കാ​ര്‍ കി​ണ​ഞ്ഞു പ​രി​ശ്ര​മി​ച്ചാ​ണ് ഇ​രു​ന്നോ​റോ​ളം സി​സി​ടി​വി ദൃ​ശ്യ​ങ്ങ​ള്‍ പ​രി​ശോ​ധി​ച്ച്‌ ക​ള്ള​ന്‍​മാ​രെ കു​ടു​ക്കി​യ​ത്. പ്ര​തി​ക​ളി​ലൊ​രാ​ളാ​യ നോ​നു എ​ന്നു വി​ളി​ക്കു​ന്ന ഗൗ​ര​വി​നെ (21) ഹ​രി​യാ​ന​യി​ലെ ബ​ന്ധു​വി​ന്‍റെ വീ​ട്ടി​ല്‍ നി​ന്നും ബാ​ദ​ല്‍ (22) എ​ന്ന കൂ​ട്ടു​പ്ര​തി​യെ സു​ല്‍​ത്താ​ന്‍​പു​രി​യി​ല്‍ നി​ന്നു​മാ​ണ് പി​ടി​കൂ​ടി​യ​ത്.

ഓ​ട്ടോ​റി​ക്ഷ​യി​ല്‍ സ​ഞ്ച​രി​ക്കു​ക​യാ​യി​രു​ന്ന ദ​മ​യ​ന്തി ബെ​ന്നി​നെ ഒ​രു കി​ലോ​മീ​റ്റ​ര്‍ ദൂ​രം പി​ന്തു​ട​ര്‍​ന്ന ശേ​ഷ​മാ​ണ് ബാ​ഗ് ത​ട്ടി​യെ​ടു​ത്ത​തെ​ന്ന് പ്ര​തി​ക​ള്‍ പോ​ലീ​സി​നോ​ട് പ​റ​ഞ്ഞു. ഇ​രു പ്ര​തി​ക​ളും മ​യ​ക്കു​മ​രു​ന്നി​ന് അ​ടി​മ​ക​ളും നി​ര​വ​ധി കേ​സു​ക​ളി​ല്‍ പ്ര​തി​ക​ളു​മാ​ണ്.

56000 രൂ​പ​യും റി​സ്റ്റ് വാ​ച്ചും വി​മാ​ന​ടി​ക്ക​റ്റ് അ​ട​ക്കം വി​ല​പ്പെ​ട്ട രേ​ഖ​ക​ളും ര​ണ്ടു മൊ​ബൈ​ല്‍ ഫോ​ണു​ക​ളും അ​ട​ങ്ങി​യ ബാ​ഗാ​ണ് ദ​മ​യ​ന്തി​യു​ടെ കൈ​യി​ല്‍ നി​ന്നും മോ​ഷ്ടാ​ക്ക​ള്‍ ത​ട്ടി​യെ​ടു​ത്ത​ത്. ബാ​ഗും ഇ​വ​ര്‍ സ​ഞ്ച​രി​ച്ചി​രു​ന്ന ബൈ​ക്കും പോ​ലീ​സ് ഗൗ​ര​വി​ന്‍റെ ബ​ന്ധു​വി​ന്‍റെ വ​സ​തി​യി​ല്‍ നി​ന്നും ക​ണ്ടെ​ടു​ത്തു. സം​ഭ​വം ന​ട​ന്ന് വാ​ര്‍​ത്ത ആ​യ​തി​ന് പി​ന്നാ​ലെ ത​ന്നെ ത​ങ്ങ​ള്‍ കൊ​ള്ള​യ​ടി​ച്ച​ത് പ്ര​ധാ​ന​മ​ന്ത്രി​യു​ടെ അ​ടു​ത്ത ബ​ന്ധു​വി​നെ​യാ​ണെ​ന്ന് പ്ര​തി​ക​ള്‍ മ​ന​സി​ലാ​ക്കി​യി​രു​ന്നു.

ഗൗ​ര​വി​ന്‍റെ ഭാ​ര്യ​യാ​ണ് ഇ​വ​രെ ഇ​ക്കാ​ര്യം ഫോ​ണി​ല്‍ വി​ളി​ച്ച്‌ അ​റി​യി​ച്ച​ത്. ഇ​തോ​ടെ​യാ​ണ് ഇ​വ​ര്‍ ഒ​ളി​വി​ല്‍ പോ​കാ​ന്‍ തീ​രു​മാ​നി​ച്ച്‌ മു​ങ്ങി​യ​ത്. മോ​ഷ​ണ സ​മ​യ​ത്ത് ഹെ​ല്‍​മെ​റ്റ് ധ​രി​ക്കാ​തി​രു​ന്ന​തി​നാ​ല്‍ സി​സി ടി​വി ദൃ​ശ്യ​ങ്ങ​ളി​ല്‍ നി​ന്ന് പോ​ലീ​സി​ന് എ​ളു​പ്പ​ത്തി​ല്‍ പ്ര​തി​ക​ളെ തി​രി​ച്ച​റി​യാ​ന്‍ ക​ഴി​ഞ്ഞു.