ഡൽഹി∙ പ്രഥമ ഫിലിപ് കോട്ലർ പ്രസിഡൻഷ്യൽ അവാർഡ് പ്രധാനമന്ത്രി നരേന്ദ്ര മോദിക്ക്. മികച്ച രാഷ്ട്രനേതാവിനു നൽകുന്ന പുരസ്കാരമാണിത്. മെയ്ക് ഇൻ ഇന്ത്യ, ഡിജിറ്റൽ ഇന്ത്യ, സ്വച്ഛ് ഭാരത് തുടങ്ങിയ കേന്ദ്രസർക്കാർ പദ്ധതികൾ അവാർഡ് സമിതി പരാമർശിച്ചു.
പ്രധാനമന്ത്രിയുടെ ഔദ്യോഗിക വസതിയിലെത്തിയാണു പുരസ്കാരം നൽകിയത്. യുഎസിലെ നോർത്ത് വെസ്റ്റേൺ യൂണിവേഴ്സിറ്റിയുടെ കെല്ലോഗ് സ്കൂൾ ഓഫ് മാനേജ്മെന്റിലെ മാർക്കറ്റിങ് പ്രഫസറായിരുന്ന ഫിലിപ് കോട്ലറുടെ പേരിലുള്ളതാണു പുരസ്കാരം. ആധുനിക മാർക്കറ്റിങ്ങിന്റെ പിതാവായാണ് കോട്ലർ അറിയപ്പെടുന്നത്.