നീ​ര​വ് മോ​ദി, ല​ളി​ത് മോ​ദി.. എ​ന്താ​ണ് ഈ ​ക​ള്ള​ൻ​മാ​ർ​ക്കെ​ല്ലാം മോ​ദി എ​ന്നു പേ​രു വ​രു​ന്നത് ? ന്യായ് നടപ്പിലാക്കാന്‍ താങ്കളുടെ സുഹൃത്ത് അ​നി​ൽ അം​ബാ​നി​യു​ടെ പോ​ക്ക​റ്റി​ൽ​നി​ന്നു പ​ണം വ​രു൦ – മോ​ദിയ്ക്കെതിരെ ആഞ്ഞടിച്ച് രാഹുല്‍ഗാന്ധി

കൈതയ്ക്കന്‍
Saturday, April 13, 2019

ബാംഗ്ലൂര്‍ : നീ​ര​വ് മോ​ദി.., ല​ളി​ത് മോ​ദി.. ഇങ്ങനെ എ​ന്താ​ണ് ഈ ​ക​ള്ള​ൻ​മാ​ർ​ക്കെ​ല്ലാം മോ​ദി എ​ന്നു പേ​രു വ​രു​ന്ന​തെന്ന് രാഹുല്‍ ഗാന്ധി. കോണ്‍ഗ്രസ് പ്രഖ്യാപിച്ച ന്യായ് പദ്ധതി നടപ്പിലാക്കാന്‍ താങ്കളുടെ സുഹൃത്ത് അ​നി​ൽ അം​ബാ​നി​യു​ടെ പോ​ക്ക​റ്റി​ൽ​നി​ന്നു പ​ണം വ​രു​മെന്നും മോ​ദിയോട് രാഹുല്‍ഗാന്ധി .



അ​ഞ്ചു കോ​ടി കു​ടും​ബ​ങ്ങ​ൾ​ക്ക് 72,000 രൂ​പ വ​ർ​ഷം​തോ​റും ല​ഭി​ക്കു​ന്ന ന്യാ​യ് പ​ദ്ധ​തി കോ​ണ്‍​ഗ്ര​സ് പ്ര​ഖ്യാ​പി​ച്ച​തോ​ടെ കാ​വ​ൽ​ക്കാ​ര​ന്‍റെ മു​ഖം​ചു​ളി​ഞ്ഞു. എ​വി​ടെ​നി​ന്നാ​ണ് പ​ണം​ക​ണ്ടെ​ത്തു​ന്ന​തെ​ന്നാ​യി​രു​ന്നു മ​റു​ചോ​ദ്യം. നി​ങ്ങ​ളു​ടെ സു​ഹൃ​ത്ത് അ​നി​ൽ അം​ബാ​നി​യു​ടെ പോ​ക്ക​റ്റി​ൽ​നി​ന്നു പ​ണം വ​രു​മെ​ന്നാ​ണ് എ​നി​ക്കു മോ​ദി​യോ​ടു പ​റ​യാ​നു​ള്ള​ത്- രാ​ഹു​ൽ പ​റ​ഞ്ഞു.

അ​വ​ർ ക​ള്ള​ൻ​മാ​രു​ടെ കൂ​ട്ട​മാ​ണ്. ക​ർ​ഷ​ക​രും ചെ​റു​കി​ട വ്യ​വ​സാ​യി​ക​ളു​മാ​യ നി​ങ്ങ​ളു​ടെ പോ​ക്ക​റ്റി​ൽ​നി​ന്നു പ​ണം കൈ​ക്ക​ലാ​ക്കി അ​വ​ർ നീ​ര​വ് മോ​ദി, മെ​ഹു​ൽ ചോ​ക്സി, വി​ജ​യ് മ​ല്ല്യ, ല​ളി​ത് മോ​ദി എ​ന്നി​ങ്ങ​നെ 15 പേ​ർ​ക്കാ​യി ന​ൽ​കി.

എ​ന്താ​ണ് ഈ ​ക​ള്ള​ൻ​മാ​ർ​ക്കെ​ല്ലാം മോ​ദി എ​ന്നു പേ​രു വ​രു​ന്ന​ത്. ഇ​നി​യും തെ​ര​ഞ്ഞാ​ൽ കൂ​ടു​ത​ൽ മോ​ദി​മാ​രു​ടെ പേ​രു​ക​ൾ പു​റ​ത്തു​വ​രും- രാ​ഹു​ൽ പ​റ​ഞ്ഞു.

പ്ര​ധാ​ന​മ​ന്ത്രി ന​രേ​ന്ദ്ര മോ​ദി ക​ർ​ണാ​ട​ക​യി​ൽ പ്ര​തി​പ​ക്ഷ​ത്തി​നു നേ​രെ ന​ട​ത്തി​യ ആ​ക്ര​മ​ണ​ത്തി​ന് അതേ നാണയത്തില്‍ തന്നെ തിരിച്ചടിക്കുകയായിരുന്നു രാ​ഹു​ൽ ഗാ​ന്ധി. കാ​വ​ൽ​ക്കാ​ര​ൻ 100 ശ​ത​മാ​ന​വും ക​ള്ള​നാ​ണെ​ന്ന് പ​റ​ഞ്ഞ രാ​ഹു​ൽ, മോ​ദി ച​ങ്ങാ​ത്ത മു​ത​ലാ​ളി​ത്ത​മാ​ണ് ഇ​ഷ്ട​പ്പെ​ടു​ന്ന​തെ​ന്നും കു​റ്റ​പ്പെ​ടു​ത്തി.

×