ന്യൂഡല്ഹി: പ്രധാനമന്ത്രി നരേന്ദ്ര മോദി അമേരിക്കന് പ്രസിഡന്റ് ഡോണള്ഡ് ട്രംപിനെ സ്വീകരിക്കാനായി അഹമ്മദാബാദിലേക്ക് പുറപ്പെട്ടു. തിങ്കളാഴ്ച രാവിലെയാണ് മോദി അഹമ്മദാബാദിലേക്ക് തിരിച്ചത്. ട്രംപ് ഇന്ന് ഉച്ചയ്ക്കാണ് ഇന്ത്യയിലെത്തുന്നത്. ഉച്ചയ്ക്ക് 11.40ന് അഹമ്മദാബാദ് സര്ദാര് വല്ലഭ്ഭായ് അന്താരാഷ്ട്ര വിമാനത്താവളത്തിലാണ് ട്രംപ് എത്തുന്നത്. രണ്ടുദിവസത്തെ സന്ദര്ശനത്തിനാണ് ട്രംപ് എത്തുന്നത്.
ട്രംപിനൊപ്പം ഭാര്യ മെലാനിയ, മകള് ഇവാങ്ക, ഇവാങ്കയുടെ ഭര്ത്താവ് ജാരേദ് കുഷ്നെര് എന്നിവരും ഉന്നത ഉദ്യോഗസ്ഥരും എത്തുന്നുണ്ട്. അമേരിക്കന് പ്രസിഡന്റായശേഷം ആദ്യമായാണ് ട്രംപ് ഇന്ത്യ സന്ദര്ശിക്കുന്നത്. ഇന്ത്യയില് സന്ദര്ശനം നടത്തുന്ന ഏഴാമത്തെ അമേരിക്കന് പ്രസിഡന്റാണ് ട്രംപ്. അഹമ്മദാബാദ് വിമാനത്താവളത്തില്നിന്ന് ആരംഭിക്കുന്ന 22 കിലോമീറ്റര് റോഡ്ഷോയില് ട്രംപും മോദിയും പങ്കെടുക്കും.