മുംബൈ: മഹാരാഷ്ട്രയില് മോട്ടോര്സൈക്കിളിനെ മറികടന്നതിനെച്ചൊല്ലിയുണ്ടായ തര്ക്കത്തിനിടെ വനിതാ എന്സിപി നേതാവിനെ കുത്തിക്കൊലപ്പെടുത്തി. രേഖ ഭാവുസാഹെബ് (39) ആണു കൊല്ലപ്പെട്ടത്. വനിതകളുടെ ക്ഷേമത്തിനായി പ്രവര്ത്തിക്കുന്ന പ്രാദേശിക സംഘടനയായ യശസ്വിനി മഹിള ബ്രിഗേഡിന്റെ അധ്യക്ഷയാണ്.
അഹമ്മദ്നഗര് ജില്ലയിലെ പാര്ണറില് തിങ്കളാഴ്ച രാത്രിയോടെയാണ് സംഭവം. കുടുംബസമേതം പൂനയില്നിന്ന് അഹമ്മദ്നഗറിലേക്കു കാറില്വരുമ്പോള് ജതെഗാവ് ഘട്ടില് ഒരു മോട്ടോര്സൈക്കിളിനെ മറികടന്നു.
റോഡിനു കുറുകെ മോട്ടോര്സൈക്കിള് നിര്ത്തി രേഖയുമായി ഇവര് തര്ക്കിച്ചു. തര്ക്കംരൂക്ഷമായതോടെ ഇവരിലൊരാള് രേഖയുടെ കഴുത്തില് കത്തിവീശി.റോഡില് കിടന്ന ഇവരെ ഗ്രാമവാസികള് ആശുപത്രിയിലെത്തിച്ചെങ്കിലും മരിച്ചു.