ബിജെപിയുടെ അടുത്ത ലോക്സഭാ തെരഞ്ഞെടുപ്പ് പോരിൽ ഹിന്ദുത്വയ്ക്കും ക്ഷേത്ര പ്രശ്നങ്ങൾക്കും ഇടമുണ്ടാകില്ലെന്ന് കേന്ദ്രമന്ത്രി മുക്താർ അബ്ബാസ് നഖ്വി. വികസനം മുൻനിർത്തിയാകും ബിജെപി തെരഞ്ഞെടുപ്പിനെ നേരിടുകയെന്നും അദ്ദേഹം പറഞ്ഞു.
രാജ്യത്ത് ന്യൂനപക്ഷങ്ങൾ സുരക്ഷിതരാണ്. 2019 ലെ പ്രധാനമന്ത്രി പദവി ഒഴിവില്ല. നരേന്ദ്ര മോദി മതിയായ ഭൂരിപക്ഷത്തോടെ വീണ്ടും തെരഞ്ഞെടുക്കപ്പെടും. രാജ്യത്തെ ജനങ്ങളുടെ ക്ഷേമത്തിനായി നടത്തിയ വികസന പ്രവർത്തനങ്ങളുടെ അടിസ്ഥാനത്തിലാകും മോദി തെരഞ്ഞെടുക്കപ്പെടുക. മോദി വിരുദ്ധർക്ക് പൊതുവായുള്ളത് കലഹം, വൈരുദ്ധ്യം, അഴിമതി എന്നിവയാണെന്നും അദ്ദേഹം പറഞ്ഞു.