തിരുവനന്തപുരം: പൊലീസ് അഴിമതിയെ കുറിച്ചുള്ള സിഎജി റിപ്പോര്ട്ട് പുറത്തുവന്നതും അതെ തുടര്ന്ന് ഉണ്ടായ വിവാദങ്ങളും ഇടത് മുന്നണിയോഗം ചര്ച്ച ചെയ്യാത്തത് അപഹാസ്യമാണെന്ന് കെപിസിസി പ്രസിഡന്റ് മുല്ലുപ്പള്ളി രാമചന്ദ്രൻ.
സിപിഎം സംസ്ഥാന സമിതിയും സംസ്ഥാന സെക്രട്ടേറിയറ്റും ഈ വിഷയങ്ങൾ ചര്ച്ച ചെയ്തില്ല, മുഖ്യമന്ത്രിക്കെതിരെ ഉയരുന്ന ആരോപണങ്ങളില് ഇടതു നേതാക്കള് ജനാധിപത്യരീതിയില് അഭിപ്രായം പോലും രേഖപ്പെടുത്താത് വിചിത്രമാണ്. മുഖ്യമന്ത്രിക്ക് മുന്നിൽ മുട്ട് മടക്കി നിൽക്കുന്ന നേതാക്കളാണ് ഇടത് മുന്നണിക്ക് നേതൃത്വം നൽകുന്നതെന്നും മുല്ലപ്പള്ളി രാമചന്ദ്രൻ പരിഹസിച്ചു .