മുംബൈ: വേശ്യാവൃത്തി നിയമപ്രകാരം കുറ്റകരമല്ലെന്നും പ്രായപൂര്ത്തിയായ സ്ത്രീക്ക് ഏത് തൊഴില് തെരഞ്ഞെടുക്കാന് അവകാശമുണ്ടെന്നുംബോംബെ ഹൈകോടതി. വനിത ഹോസ്റ്റലില് നിന്ന് വേശ്യവൃത്തിക്ക് അറസ്റ്റ് ചെയ്ത മൂന്ന് യുവതികളെ വെറുതെ വിട്ടാണ് ഹൈകോടതിയുടെ പരാമര്ശം.
1956ലെ ഇമ്മോറല് ട്രാഫിക് നിയമം വേശ്യാവൃത്തി അസാധുവാക്കുന്നില്ലെന്ന് ഹൈകോടതി ജഡ്ജി പൃഥ്വിരാജ് ചവാന് വ്യക്തമാക്കി. വേശ്യവൃത്തി തൊഴിലായി സ്വീകരിച്ചതിന്റ-പേൊരില് നിയമം ആരെയും ശിക്ഷിക്കുന്നില്ല. വേശ്യാവൃത്തിയുടെ പേരില് ആരെയെങ്കിലും ചൂഷണം ചെയ്യുന്നതും പൊതുസ്ഥലങ്ങളില് ഇടപാടുകാരെ തേടുകയും ചെയ്യുന്നതാണ് കുറ്റകരമെന്നും കോടതി വ്യക്തമാക്കുന്നു.
വേശ്യാവൃത്തിയില് അകപ്പെട്ട മൂന്ന് യുവതികളെ 2019 സെപ്തംബറിലാണ് പൊലീസ് രക്ഷപ്പെടുത്തിയത്. തുടര്ന്ന് മജിസ്ട്രേറ്റ് കോടതിയില് ഹാജരാക്കിയ യുവതികളെ സര്ക്കാര് കേന്ദ്രത്തില് പാര്പ്പിക്കാന് ഉത്തരവിട്ടിരുന്നു. രക്ഷിതാക്കളോടൊപ്പം പോകാന് തയാറല്ലെന്ന് യുവതികള് അറിയിച്ചതിനെ തുടര്ന്നായിരുന്നു നടപടി.