മുംബൈ: കോവിഡ് വ്യാപനം രൂക്ഷമായ മുംബൈയ്ക്കു മുന്നറിയിപ്പുമായി മേയര്. കോവിഡ് മാര്ഗനിര്ദേശങ്ങള് പാലിക്കാന് തയാറല്ലെങ്കില് അടുത്ത ലോക്ക്ഡൗണിനു ഒരുങ്ങാന് മേയര് കിഷോരി പെദ്നേക്കര് മുന്നറിയിപ്പ് നല്കി. ലോക്ക്ഡൗണ് ഒഴിവാക്കണമെങ്കില് കോവിഡ് മാര്ഗനിര്ദേശങ്ങള് കര്ശനമായി പാലിക്കണമെന്ന് അവര് പറഞ്ഞു.
നിങ്ങള് ലാഘവത്വത്തോടെയാണ് പെരുമാറുന്നതെങ്കില് കോവിഡ് വര്ധിക്കുകയാണെങ്കില് ലോക്ക്ഡൗണ് ചുമത്തേണ്ടിവരും. ഇത് ഒഴിവാക്കാന് ആഗ്രഹിക്കുന്നെങ്കില് നിയമങ്ങള് കര്ശനമായി പാലിക്കണമെന്നും കിഷോരി പെദ്നേക്കര് ആവശ്യപ്പെട്ടു. മുംബൈയിലെ കോവിഡ് സ്ഥിതി രൂക്ഷമാണ്. ഇതിനെ നിയന്ത്രിക്കാന് ആവശ്യമായതെല്ലാം മുംബൈ കോര്പ്പറേഷന് സ്വീകരിക്കുന്നുണ്ടെന്നും മേയര് ചൂണ്ടിക്കാട്ടി.