തൃശൂര്: മാനസിക വിഭ്രാന്തിയുള്ള മകന് അമ്മയെ മരവടി കൊണ്ടു തലയ്ക്കടിച്ചു കൊലപ്പെടുത്തി. വരന്തരപ്പിള്ളി പൗണ്ട് കച്ചേരിക്കടവ്(മൊയലന് പടി) കിഴക്കൂടന് വീട്ടില് പരേതനായ ജോസിന്റെ ഭാര്യ എല്സി എന്ന മണി (75) ആണ് മരിച്ചത്.
ഇന്നു രാവിലെ അയല്വാസികളാണ് എല്സി വീട്ടിനുള്ളില് മരിച്ചുകിടക്കുന്നതായി പൊലീസ് സ്റ്റേഷനില് അറിയിച്ചത്. എല്സിയും മകന് ജോര്ജും (44) ആണ് വീട്ടില് താമസം. ജോര്ജ് മാനസിക വിഭ്രാന്തിയുള്ളയാളാണ്.
ജോര്ജിനെ പൊലീസ് കസ്റ്റഡിയില് എടുത്തു. ജോര്ജ് അമ്മയെ മരവടി കൊണ്ട് തലയ്ക്കടിച്ച് കൊലപ്പെടുത്തിയതാകാമെന്നാണ് പ്രാഥമിക നിഗമനം.