ദുബായ്: പാക്കിസ്ഥാന് മുന് പ്രസിഡന്റ് പര്വേസ് മുഷറഫ് ആശുപത്രിയില്. ഹൃദയസംബന്ധമായ അസുഖത്തെ തുടര്ന്ന് ദുബായിലെ ആശുപത്രിയിലാണ് അദ്ദേഹത്തെ പ്രവേശിപ്പിച്ചിരിക്കുന്നത്. തിങ്കളാഴ്ചയാണ് മുഷറഫിനെ ആശുപത്രിയില് പ്രവേശിപ്പിച്ചത്.
2016 മുതല് മുഷറഫ് ദുബായിലാണ് താമസിച്ചുവരുന്നത്. ഭരണഘടന അട്ടിമറിച്ച് 2007ല് അടിയന്തരാവസ്ഥ പ്രഖ്യാപിച്ചതിനു മുഷാറഫിനെതിരേ രാജ്യദ്രോഹക്കേസ് എടുത്തിരുന്നു. നവംബര് അവസാനം രാജ്യദ്രോഹക്കേസിന്റെ വിധി പ്രഖ്യാപിക്കുന്നതില് നിന്നു സ്പെഷല് ട്രൈബ്യൂണലിനെ വിലക്കിക്കൊണ്ട് ഇസ്ലാമാബാദ് ഹൈക്കോടതി ഉത്തരവു പുറപ്പെടുവിച്ചിടുണ്ട്.