രാജ്യത്തെ തീവ്രവാദ ഗ്രൂപ്പുകള്‍ക്ക് ആയുധമെത്തിക്കുന്നത് ചൈന; വിമര്‍ശനവുമായി മ്യാന്‍മര്‍ രംഗത്ത്‌

നെയ്പിഡോ: ചൈനയ്‌ക്കെതിരെ രൂക്ഷവിമര്‍ശനവുമായി അയല്‍രാജ്യമായ മ്യാന്‍മര്‍ രംഗത്ത്. രാജ്യത്തെ തീവ്രവാദ ഗ്രൂപ്പുകള്‍ക്ക് ആയുധമെത്തിച്ച് നല്‍കുന്നത് ചൈനയാണെന്ന് മ്യാന്‍മര്‍ ആരോപിക്കുന്നു.

മ്യാൻമറിലെ ഭീകരസംഘടനകൾക്കുപിന്നിൽ ‘വൻ ശക്തി’കളുണ്ടെന്നും ഇവരെ ഒതുക്കാൻ രാജ്യാന്തര സഹകരണം ആവശ്യമാണെന്നും മ്യാൻമർ സൈന്യത്തിന്റെ കമാൻഡർ ഇൻ ചീഫ് സീനിയർ ജനറൽ മിൻ ഓങ് ഹ്‌ലെയ്ങ് അടുത്തിടെ റഷ്യയുടെ ഔദ്യോഗിക ടിവി സ്വെസ്ഡയ്ക്ക് അനുവദിച്ച അഭിമുഖത്തിൽ പറഞ്ഞു.