Advertisment

ഭർത്താവിന്റെ ക്രൂരമർദ്ദനം: കണ്ണില്‍ നിന്നും ചോരയൊലിക്കുന്ന വീഡിയോയുമായി വീട്ടമ്മ: അഞ്ച് വയസ്സും 17 മാസവും പ്രായമുള്ള തന്റെ രണ്ട് മക്കളെയും തന്നെയും ഭർത്താവ് കൊലപ്പെടുത്തിയേക്കുമെന്നും യുവതി

author-image
ഇന്‍റര്‍നാഷണല്‍ ഡസ്ക്
Updated On
New Update

ഷാര്‍ജ: കണ്ണില്‍ നിന്നും ചോരയൊലിക്കുന്ന അവസ്ഥയിലുള്ള വീട്ടമ്മയുടെ വീഡിയോ സന്ദേശം സമൂഹമാധ്യമങ്ങളില്‍ ഞെട്ടലുളവാക്കി പ്രചരിക്കുന്നു. മര്‍ദ്ദനമേറ്റ് വീര്‍ത്തിരിക്കുന്ന കണ്ണില്‍ നിന്നും രക്തം ഒലിക്കുന്ന അവസ്ഥയിലാണ് അവര്‍ കരഞ്ഞുകൊണ്ട് സഹായം അഭ്യര്‍ത്ഥിക്കുന്നത്.

Advertisment

publive-image

ജാസ്മില്‍ സുല്‍ത്താന എന്ന് പരിചയപ്പെടുത്തുന്ന യുവതി താന്‍ യു.എ.ഇയിലെ ഷാര്‍ജയിലാണ് താമസിക്കുന്നതെന്നും സഹായം ലഭിച്ചില്ലെങ്കില്‍ ഭര്‍ത്താവ് തന്നെയും മക്കളെയും കൊല്ലുമെന്നും ഹിന്ദിയില്‍ കരഞ്ഞുകൊണ്ട് അപേക്ഷിക്കുന്നതാണ് ദൃശ്യത്തിലുള്ളത്. ഭര്‍ത്താവിന്റെ പേര് മുഹമ്മദ് ഖിസറുല്ല എന്നാണെന്നും ഇയാളോടൊപ്പം ഇനിയും ഇവിടെ തുടരാനാവില്ലെന്നും മറ്റൊരു ട്വീറ്റില്‍ പറയുന്നുണ്ട്.

അഞ്ച് വയസ്സും 17 മാസവും പ്രായമുള്ള തന്റെ രണ്ട് മക്കളോടൊപ്പം തനിക്ക് നാട്ടിലേക്ക് മടങ്ങണമെന്നും ഇവര്‍ ആവശ്യപ്പെടുന്നുണ്ട്. നിരവധി പേരാണ് ഈ സന്ദേശം ട്വിറ്ററില്‍ ഷെയര്‍ ചെയ്യുന്നത്. പലരും ഷാര്‍ജ പൊലിസിന്റെയും ദുബൈയിലെ ഇന്ത്യന്‍ കോണ്‍സുലേറ്റിന്റെയും വിദേശകാര്യ മന്ത്രാലയത്തിന്റെയും മന്ത്രിമാരുടെയും സഹായവും ഇവരെ കണ്ടെത്തുന്നതിനായി തേടുന്നുണ്ട്.

 

 

 

Advertisment