ന്യൂഡല്ഹി: ക്ഷേത്ര സന്ദര്ശനം കഴിഞ്ഞ് മടങ്ങുംവഴിയാണ് ആം ആദ്മി എംഎല്എ നരേഷ് യാദവിനും സംഘത്തിനും നേര്ക്ക് വെടിവയ്പ്പ്. പ്രവര്ത്തകരില് ഒരാള് കൊല്ലപ്പെടുകയും മറ്റൊരാള്ക്ക് ഗുരുതരമായി പരിക്കേല്ക്കുകയും ചെയ്തു. ആം ആദ്മി പാര്ട്ടി ഔദ്യോഗിക ട്വിറ്റര് അക്കൗണ്ടിലൂടെ വിവരം പുറത്തുവിട്ടിരുന്നു. എംഎല്എയെ അനുഗമിച്ചിരുന്ന അശോക് മന് എന്നയാളാണ് മരിച്ചതെന്നാണ് വിവരം.
എന്നാല് തങ്ങള്ക്കു നേരെയുണ്ടായ ആക്രമണം തികച്ചും നിര്ഭാഗ്യകരമാണെന്ന് ആം ആദ്മി എംഎല്എ നരേഷ് യാദവ് പറഞ്ഞു. ആക്രമണത്തിന് പിന്നിലെ കാരണം തനിക്കറിയില്ല. എല്ലാം പെട്ടെന്നായിരുന്നു സംഭവിച്ചത്. അക്രമികള് ഏകദേശം നാലു തവണ വെടിയുതിര്ത്തു. തന്റെ വാഹനവും ആക്രമിക്കപ്പെട്ടു. പോലീസ് കൃത്യമായ അന്വേഷണം നടത്തിയാല് അക്രമിയെ തിരിച്ചറിയാനാകുമെന്നും അദ്ദേഹം പറഞ്ഞു.
ഡല്ഹി നിയമസഭാ തെരഞ്ഞെടുപ്പില് ആംആദ്മി വന്വിജയം നേടി അധികാരത്തുടര്ച്ച ഉറപ്പിച്ചതിന് പിന്നാലെയാണ് പാര്ട്ടി എംഎല്എയുടെ നേര്ക്ക് വധശ്ര മമുണ്ടായിരിക്കുന്നത്. സംഭവത്തില് കിഷന്ഗഡ് പോലീസ് എഫ്ഐആര് രജിസ്റ്റര് ചെയ്ത് അന്വേഷണം ആരംഭിച്ചിട്ടുണ്ട്.