ബംഗലൂരുവില്‍ സൈനിക വിമാനത്തില്‍നിന്നു വീണ് രണ്ട് പൈലറ്റുകള്‍ മരിച്ചു

ബംഗലൂരു:  നവീകരണ പ്രവര്‍ത്തനങ്ങള്‍ക്കുവേണ്ടി തയ്യാറെടുത്തിരുന്ന ഇന്ത്യന്‍ എയര്‍ഫോഴ്‌സ് ഉടമസ്ഥതയിലുള്ള മിറേജ് 2000 ഫൈറ്റര്‍ വിമാനത്തില്‍നിന്നുവീണ് രണ്ട് പൈലറ്റുകള്‍ മരിച്ചു. ഇന്ന് രാവിലെ 10.30 ഓടെ ബംഗ്ലൂരുവിലെ യമലൂരുവിലുള്ള ഹിന്ദുസ്ഥാന്‍ എയറനോട്ടിക്‌സ് റണ്‍വേയിലാണ് അപകടം നടന്നത്.

ടേയ്ക്ക് ഓഫിനായുള്ള ഓട്ടത്തിനിടെയാണ് ഇവര്‍ വിമാനത്തില്‍നിന്നു തെറിച്ചുവീണ് കൊല്ലപ്പെട്ടത്. അപകട കാരണം വ്യക്തമായിട്ടില്ല. ഇതിനായുള്ള അന്വേഷണം ആരംഭിച്ചതായി ഇന്ത്യന്‍ എയര്‍ഫോഴ്‌സ് അധികൃതര്‍ അറിയിച്ചു.

1985 മുതല്‍ ഇന്ത്യന്‍ വ്യോമസേനയുടെ ഭാഗമാണ് മിറേജ് 2000. ഫ്രാന്‍സില്‍നിന്നും ഇന്ത്യ സ്വന്തമാക്കിയതാണ് ഈ വിമാനങ്ങള്‍ 50 ഓളം വിമാനങ്ങളാണ് സേനക്കുള്ളത്.