ബംഗളുരു: കര്ണാടക കോണ്ഗ്രസ് നേതാവ് ആനന്ദ് സിങ് എംഎല്എ സ്ഥാനം രാജിവെച്ചു. ബെല്ലാരി ജില്ലയിലെ വിജയനഗർ എംഎൽഎയാണ് ആനന്ദ് സിങ്ങ്.
തിങ്കളാഴ്ച രാവിലെ സ്പീക്കർ കെ.ആർ. രമേഷ് കുമാറിനെ അദ്ദേഹത്തിന്റെ വീട്ടിലെത്തി കണ്ടാണ് ആനന്ദ് രാജിക്കത്തു സമർപ്പിച്ചത്. മുഖ്യമന്ത്രി എച്ച്.ഡി. കുമാരസ്വാമി യുഎസിലായിരിക്കവെയാണ് എംഎൽഎ രാജിവയ്ക്കുന്നത്.
വിമത ഭീഷണിയെ തുടർന്ന് കോണ്ഗ്രസ് എംഎൽഎമാരെ റിസോർട്ടിൽ പാർപ്പിച്ചപ്പോൾ സഹപ്രവർത്തകനുമായി കൈയാങ്കളിയിൽ ഏർപ്പെട്ട് ആനന്ദ് സിംഗ് വാർത്തയിൽ ഇടംപിടിച്ചിരുന്നു.