ബാംഗ്ലൂര്‍: ലോക്സഭാ തെരഞ്ഞെടുപ്പിനുള്ള സീറ്റ് ചര്‍ച്ചകള്‍ സജീവമായിരിക്കെ സിറ്റിംഗ് എം എല്‍ എമാര്‍ക്കും എം എല്‍ സിമാര്‍ക്കും സീറ്റില്ലെന്ന് വ്യക്തമാക്കി എ ഐ സി സി നേതൃത്വം. ഇതോടെ ലോക്സഭാ സീറ്റിനായി കച്ചകെട്ടിയിറങ്ങിയ എം എല്‍ എമാര്‍ക്കും എം എല്‍ സിമാര്‍ക്കും കനത്ത തിരിച്ചടിയായി.
/sathyam/media/post_attachments/pAxJI85iisK8NF2KJ5qi.jpg "publive-image")
കഴിഞ്ഞ തവണ മത്സരിച്ച യൂത്ത് കോണ്‍ഗ്രസ് സംസ്ഥാന നേതാക്കളടക്കം ഇതോടെ ലോക്സഭാ സീറ്റ് പരിഗണനയില്‍ നിന്നും ഔട്ടായിരിക്കുകയാണ്.
കോണ്‍ഗ്രസ് - ജെ ഡി എസ് സഖ്യമായി തെരഞ്ഞെടുപ്പിനെ നേരിടുമെന്നിരിക്കെ ജയസാധ്യത കൂടുതലായതിനാല്‍ ഇത്തവണ സ്ഥാനാര്‍ഥിത്വത്തിനായുള്ള മത്സരവും ശക്തമാണ്. എന്നാല്‍ യാതൊരു വിധ സമ്മര്‍ദ്ദങ്ങള്‍ക്കും സ്വാധീനങ്ങള്‍ക്കും വഴങ്ങില്ലെന്ന ഉറച്ച നിലപാടിലാണ് എ ഐ സി സി.
മലയാളി നേതാവ് കെ സി വേണുഗോപാലിനാണ് കര്‍ണ്ണാടക ചുമതല. ജയസാധ്യതയും പാര്‍ട്ടി കൂറും മാത്രമായിരിക്കും സ്ഥാനാര്‍ഥി നിര്‍ണ്ണയത്തിനുള്ള മാനദണ്ഡമെന്നാണ് കെ സി വേണുഗോപാലിന്റെ നിലപാട്. പണം എറിഞ്ഞ് സീറ്റ് തരപ്പെടുത്തുന്ന മുന്‍കാല രീതികളും കെ സിയുടെ വരവോടെ അപ്രസക്തമായിരിക്കുകയാണ്.
Follow Us/sathyam/media/agency_attachments/5VspLzgrB7PML1PH6Ix6.png)
