ബാംഗ്ലൂര്‍: മന്ത്രിസഭാ പുനസംഘടനയെ തുടര്‍ന്ന്‍ പാര്‍ട്ടിയില്‍ കലാപക്കൊടി ഉയര്‍ത്തിയ കര്‍ണ്ണാടകയിലെ കോണ്‍ഗ്രസ് എം എല്‍ എമാരുമായി നേതൃത്വം നടത്തിയ ചര്‍ച്ചകള്‍ ഒത്തുതീര്‍പ്പിലേക്ക്. മന്ത്രിസഭയില്‍ ഇടംകിട്ടാതിരുന്ന മുതിര്‍ന്ന നേതാവ് രാമലിംഗ റെഡ്ഡി എം എല്‍ എ മന്ത്രിസഭയില്‍ നിന്നൊഴിവാക്കിയ എം എല്‍ എ രമേശ്‌ ജാര്‍ക്കോളി എന്നിവരുമായുള്ള പ്രശ്നങ്ങളാണ് അനുനയത്തിലേക്ക് നീങ്ങുന്നത്.
/ "publive-image")
<രാമലിംഗ റെഡ്ഡി, രമേശ്‌ ജാര്‍ക്കോളി, കെ സി വേണുഗോപാല്‍>
ഇരുവരുമായും മുന്‍ മുഖ്യമന്ത്രി സിദ്ധരാമയ്യ, എ ഐ സി സി ജനറല്‍ സെക്രട്ടറി കെ സി വേണുഗോപാല്‍ എന്നിവരാണ് ചര്‍ച്ച നടത്തിയത്. പ്രശ്നങ്ങള്‍ക്കില്ലെന്നും പാര്‍ട്ടിയുമായി ഒത്തുപോകുമെന്നും ഇരുവരും വ്യക്തമാക്കി.
<സതീശ് ജാര്‍ക്കോളി, രമേശ്‌ ജാര്‍ക്കോളി>
കുമാരസ്വാമി മന്ത്രിസഭയില്‍ മന്ത്രിയായിരുന്ന രമേശ്‌ ജാര്‍ക്കോളിയെ ഒഴിവാക്കി പകരം അദ്ദേഹത്തിന്റെ സഹോദരന്‍കൂടിയായ സതീശ് ജാര്‍ക്കോളിയെ ആയിരുന്നു മന്ത്രിയാക്കിയത്. ഇതിനുപകരം നിലവില്‍ എ ഐ സി സി സെക്രട്ടറിയായ സതീശില്‍ നിന്നും ഈ പദവി നീക്കം ചെയ്ത് രമേശ്‌ ജാര്‍ക്കോളിയെ എ ഐ സി സി സെക്രട്ടറിയാക്കാനാണ് ധാരണ.
ബിടിഎം എം എല്‍ എയായ രാമലിംഗ റെഡ്ഡിയുമായുള്ള പ്രശ്നങ്ങള്‍ ഹൈക്കമാന്റുമായി നേരിട്ട് ചര്‍ച്ച നടത്തി ധാരണയിലെത്താനാണ് തീരുമാനം. ഇരു നേതാക്കളുടെയും അണികളും പിന്തുണയ്ക്കുന്ന കെ സി വേണുഗോപാല്‍ ഇന്നലെ രാത്രിയും ഇന്ന് രാവിലെയും ബാംഗ്ലൂരില്‍ ചര്‍ച്ച നടത്തി ധാരണയിലെത്തി.
ഒത്തുതീര്‍പ്പ് ചര്‍ച്ചകള്‍ക്കായി ഇന്നലെ വൈകിട്ടാണ് വേണുഗോപാല്‍ ബാംഗ്ലൂരില്‍ എത്തിയത്. ഇതോടെ കര്‍ണ്ണാടകയിലെ കോണ്‍ഗ്രസ് കൂട്ടുകക്ഷി സര്‍ക്കാര്‍ തകര്‍ച്ചയിലേക്ക് എന്ന പ്രചരണമാണ് അസ്താനത്തായത്. പുനസംഘടനയില്‍ മന്ത്രിസ്ഥാനം നഷ്ടമായ സ്വതന്ത്ര എം എല്‍ എ ശങ്കറുമായും നേതാക്കള്‍ ചര്‍ച്ച നടത്തിയിരുന്നു. വനംമന്ത്രിയായിരുന്ന ഇദ്ദേഹത്തെ മോശം പ്രകടനമെന്ന് വിലയിരുത്തിയാണ് പുറത്താക്കിയത്.
Follow Us/sathyam/media/agency_attachments/5VspLzgrB7PML1PH6Ix6.png)
