പാറ്റ്ന: ഹിന്ദി മേഖലയിലെ നിയമസഭാ തെരഞ്ഞെടുപ്പിൽ ബിജെപിക്കുണ്ടായ തിരിച്ചടിയിൽ പ്രതികരണവുമായി ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. കോണ്ഗ്രസിന്റെ വിജയം ജനങ്ങളെ കബളിപ്പിച്ചു നേടിയതാണെന്ന് യോഗി പാറ്റ്നയിലെ മഹാവിർ ക്ഷേത്രത്തിൽ സന്ദർശനത്തിനെത്തിയപ്പോൾ പറഞ്ഞു.
കോണ്ഗ്രസിന്റെ നുണകൾ ഉടൻ അപ്രസക്തമാകും. ഇതിനാൽ ബിജെപിയുടെ ഭാവി യുദ്ധങ്ങൾ കൂടുതൽ എളുപ്പമാകുമെന്നും യോഗി വ്യക്തമാക്കി. വിജയവും പരാജയവും ജനാധിപത്യ പ്രക്രിയയുടെ ഭാഗമാണ്. ഇലക്ട്രോണിക് വോട്ടിംഗ് മെഷീന്റെ കാര്യത്തിൽ കോണ്ഗ്രസുകാർ ഇരട്ടത്താപ്പുകാരാണെന്നും യോഗി കൂട്ടിച്ചേർത്തു.
കോൺഗ്രസുകാർ തെരഞ്ഞെടുപ്പിൽ വിജയിച്ചാൽ ഇവിഎമ്മിനെ പുകഴ്ത്തും, എന്നാൽ പരാജയപ്പെട്ടാലോ അതിനെ കുറ്റം പറയും. ഞങ്ങൾ ഒരിക്കലും ഇലക്ട്രോണിക് വോട്ടിംഗ് മെഷീനെ കുറ്റം പറയാറില്ലെന്നും യോഗി കൂട്ടിച്ചേർത്തു.