Advertisment

മടുത്തു തനിക്ക് ഇനി വയ്യ; നീറ്റ് പരീക്ഷാപ്പേടിയിൽ തമിഴ്നാട്ടിൽ വീണ്ടും ആത്മഹത്യ; പരീക്ഷാ ആശങ്കയിൽ ഒരാഴ്ചയ്ക്കിടെ ആത്മഹത്യ ചെയ്യുന്ന മൂന്നാമത്തെ വിദ്യാർത്ഥി

author-image
ന്യൂസ് ബ്യൂറോ, ചെന്നൈ
Updated On
New Update

മധുരൈ: നീറ്റ് പരീക്ഷാപ്പേടിയിൽ തമിഴ്നാട്ടിൽ വീണ്ടും വിദ്യാർത്ഥി ആത്മഹത്യ ചെയ്തു. മധുര സ്വദേശി ജ്യോതി ദുർഗ്ഗയാണ് ആത്മഹത്യ ചെയ്തത്. മുറിയിൽ തൂങ്ങി മരിച്ച നിലയിലാണ് വിദ്യാർത്ഥിയെ കണ്ടെത്തിയത്. നീറ്റ് പരീക്ഷാ ആശങ്കയിൽ ഒരാഴ്ചയ്ക്കിടെ ആത്മഹത്യ ചെയ്യുന്ന മൂന്നാമത്തെ വിദ്യാർത്ഥിയാണ് ജ്യോതി.

Advertisment

publive-image

മടുത്തു തനിക്ക് ഇനി വയ്യ എന്ന നിരാശ കലർന്ന കുറിപ്പ് എഴുതി വച്ചാണ് വിദ്യാർത്ഥി ജീവനൊടുക്കിയത്. മാതാപിതാക്കളോട് ക്ഷമ ചോദിക്കുന്നതായും കുട്ടി കുറിച്ചു. ആത്മഹത്യയുടെ ഞെട്ടലിലാണ് മാതാപിതാക്കൾ. പരീക്ഷയ്ക്കായി മകൾ നന്നായി തയ്യാറെടുത്തിരുന്നു എന്ന് ജ്യോതിയുടെ അച്ഛനും അമ്മയും പറഞ്ഞു.

നീതി വേണമെന്ന് ആവശ്യപ്പെട്ട്   ജ്യോതിയുടെ ബന്ധുക്കളും നാട്ടുകാരും മധുരൈയിൽ റോഡ് ഉപരോധിച്ച് പ്രതിഷേധിച്ചു. സാമ്പത്തികമായി പിന്നാക്കം നൽക്കുന്ന കുട്ടികൾക്ക് പ്രവേശന പരീക്ഷയ്ക്കായി പരിശീലനം നടത്താൻ കഴിയുന്നില്ലെന്നും, നീറ്റ് റദ്ദാക്കണമെന്നും ഡിഎംകെ ആവശ്യപ്പെട്ടു.

neet exam
Advertisment