കൊവിഡ് വ്യാപനം രൂക്ഷം: നീറ്റ്-പിജി പരീക്ഷയും മാറ്റിവച്ചു; അടുത്ത തീയതി പിന്നീട്‌

ന്യൂഡല്‍ഹി: കൊവിഡ് വ്യാപനം രൂക്ഷമായ പശ്ചാത്തലത്തില്‍ ഏപ്രില്‍ 18-ന് നടത്താനിരുന്ന നീറ്റ്-പിജി (നാഷണല്‍ എലിജിബിലിറ്റി കം എന്‍ട്രന്‍സ് ടെസ്റ്റ്-പോസ്റ്റ് ഗ്രാജുവേറ്റ്) പരീക്ഷ മാറ്റിവച്ചു.

മെഡിക്കല്‍ വിദ്യാര്‍ത്ഥികളുടെ ആരോഗ്യം കണക്കിലെടുത്താണ് പരീക്ഷ മാറ്റിവയ്ക്കാന്‍ തീരുമാനിച്ചതെന്നും പരീക്ഷയുടെ പുതിയ തീയതി പിന്നീട് തീരുമാനിക്കുമെന്നും കേന്ദ്ര ആരോഗ്യമന്ത്രി ഡോ. ഹര്‍ഷ് വര്‍ധന്‍ പറഞ്ഞു.

In light of the surge in #COVID19 cases,GoI has decided to postpone #NEETPG2021 exam which was earlier scheduled to be held on Apr 18

Next date to be decided later



Decision has been taken keeping wellbeing of our young medical students in mind.@PMOIndia @MoHFW_INDIA #NEETPG

— Dr Harsh Vardhan (@drharshvardhan) April 15, 2021

'' കൊവിഡ് 19 കേസുകള്‍ വര്‍ധിക്കുന്നതിന്റെ പശ്ചാത്തലത്തില്‍, ഏപ്രില്‍ 18-ന് നടത്താനിരുന്ന നീറ്റ് പിജി 2021 പരീക്ഷ മാറ്റിവയ്ക്കാന്‍ കേന്ദ്രസര്‍ക്കാര്‍ തീരുമാനിച്ചു. അടുത്ത തീയതി പിന്നീട് തീരുമാനിക്കും''-അദ്ദേഹം ട്വീറ്റ് ചെയ്തു.

നിരവധി പേര്‍ പരീക്ഷ മാറ്റിവയ്ക്കണമെന്ന് നേരത്തെ ആവശ്യപ്പെട്ടിരുന്നു. പോലുള്ള ഹാഷ്ടാഗുകള്‍ ട്വിറ്ററില്‍ ട്രെന്‍ഡിംഗായിരുന്നു.

അതേസമയം, പരീക്ഷ മാറ്റിവയ്ക്കണമെന്ന് ആവശ്യപ്പെട്ട് ഒരു കൂട്ടം എംബിബിഎസ് ഡോക്ടര്‍മാര്‍ സുപ്രീം കോടതിയില്‍ ഹര്‍ജി നല്‍കിയിരുന്നതായും റിപ്പോര്‍ട്ടുണ്ട്.