ടെക്സസ്: ഏറെ നാളത്തെ പ്രണയത്തിനൊടുവിൽ നെയ്തു കൂട്ടിയ സ്വപ്നങ്ങൾ യാഥാർത്ഥ്യമാക്കാൻ അവർ ഒന്നിച്ചു. എന്നാൽ ആ സന്തോഷം അധിക സമയം നീണ്ടു നിന്നില്ല. മരണം എന്ന ദൂതെത്തി ദമ്പതികളെ വാഹനാപകടത്തിന്റെ രൂപത്തിൽ കൊണ്ടു പോയി. ടെക്സസിലാണ് അതിദാരുണമായ സംഭവം നടന്നത്.
ഹാര്ലിയും റിയാനന് മോര്ഗനും ഏറെ നാളത്തെ പ്രണയത്തിന് ശേഷമാണ് വിവാഹിതരായത്. ടെക്സസില് വച്ചായിരുന്നു ഇരുവരുടെയും വിവാഹം. എന്നാല് വിവാഹത്തിന് ശേഷം ഹൈവേയിലേക്ക് തിരിഞ്ഞ ഇരുവരെയും പാഞ്ഞെത്തിയ ട്രക്ക് ഇടിച്ചു വീഴ്ത്തുകയായിരുന്നു.
'എന്റെ കൈകളില് പുരണ്ട അവന്റെ രക്തം ഇപ്പോഴുമുണ്ട്. ആ ദൃശ്യങ്ങള് ഇനിയുള്ള ജീവിതത്തിലും വേട്ടയാടും. എന്റെ കണ്മുന്നിലാണ് എന്റെ കുട്ടികള് കൊല്ലപ്പെട്ടത്. ഒരിക്കലും മറക്കാനാകില്ല. ഓരോ രാത്രിയും എന്റെ കുഞ്ഞ് കൊല്ലപ്പെടുന്ന ദൃശ്യങ്ങള് ഞാന് കാണും'- നിറകണ്ണുകളോടെ ഹാര്ലിയുടെ മാതാവ് പറഞ്ഞു.
ഹാര്ലിയുടെ അമ്മയും സഹോദരിയും നോക്കി നില്ക്കെയായിരുന്നു ആ അപകടം സംഭവിച്ചത്.