അസദൂദ്ദീൻ ഒവൈസിയുടെ വീട് ആക്രമിച്ച കേസ്; അഞ്ച് പേർ അറസ്റ്റിൽ, ഹിന്ദുസേനാ പ്രവർത്തകരെന്ന് പൊലീസ്

ഡൽഹി: എഐഎംഐഎം നേതാവും എംപിയുമായ അസദുദ്ദീൻ ഒവൈസിയുടെ ഡൽഹിയിലെ വീടിന് നേരെ ആക്രമണം നടത്തിയ അഞ്ച് പേർ അറസ്റ്റിൽ. ഹിന്ദു സേനയുടെ പ്രവർത്തകരെന്ന് അവകാശപ്പെടുന്നവരാണ് ഒവൈസിയുടെ വീട് ആക്രമിച്ചതെന്ന് ന്യൂ ഡൽഹി ഡിസിപി ദീപക് യാദവ് പറഞ്ഞു.

വീടിന് നേരെ ആക്രമണമുണ്ടായതായി, നാട്ടുകാർ അറിയച്ചതിനെ തുടർന്നാണ് പൊലീസ് സ്ഥലത്ത് എത്തിയത്. അക്രമികൾ ഗെയ്റ്റ് കേടുവരുത്തുകയും വീടിന്റെ ചില്ലുകൾ ഉടയ്ക്കുകയും ചെയ്തിരുന്നു.