Advertisment

സൗദി അറേബ്യയിലെ വാഹനാപകടക്കേസില്‍ അഞ്ചുവര്‍ഷമായി ജയിലില്‍ കഴിഞ്ഞിരുന്ന മലയാളി യുവാവിന്​ മോചനം

author-image
ഗള്‍ഫ് ഡസ്ക്
New Update

publive-image

Advertisment

സൗദി അറേബ്യ: വാഹനാപകടക്കേസില്‍ അഞ്ചുവര്‍ഷമായി ജയിലില്‍ കഴിഞ്ഞിരുന്ന മലയാളി യുവാവിന്​ മോചനം. കോഴിക്കോട് ഈങ്ങാപ്പുഴ എലോക്കര സ്വദേശി സിറാജാണ് അഞ്ചു വര്‍ഷത്തെ ജയില്‍വാസത്തിന് ശേഷം നാടണയുന്നത്.സൗദിയിലെ ത്വാഇഫില്‍ ഡ്രൈവറായി ജോലി ചെയ്തിരുന്ന സിറാജി​ന്‍്റെ ജീവിതം മാറ്റി മറിച്ചത്​ അഞ്ചു വര്‍ഷം മുമ്ബ്​ നടന്ന വാഹനാപകടമാണ്​. ഇദ്ദേഹം ഓടിച്ചിരുന്ന വാഹനം അപകടത്തില്‍ പെട്ട് രണ്ട് അറബ് വംശജര്‍ മരണപ്പെട്ടതിനെ തുടര്‍ന്നാണ് സിറാജ്​ ജയിലിലായത്​.

ഇന്‍ഷുറന്‍സ്​ പരിരക്ഷയുണ്ടായിരുന്നില്ല. അപകടകാരണം ഡ്രൈവറുടെ മേല്‍ ചാര്‍ത്തപ്പെട്ടതോടെ കോടതി, അപകടത്തില്‍ മരിച്ചവര്‍ക്ക്​ ദയാധനം നല്‍കാന്‍ വിധിക്കുകയായിരുന്നു. ഏകദേശം 75 ലക്ഷം രൂപക്ക്​ തുല്യമായ റിയാല്‍ നല്‍കിയാല്‍ മാത്രമേ സിറാജിനു മോചനം സാധ്യമാകൂ. കാന്‍സര്‍ രോഗിയായ പിതാവും മാതാവും ഭാര്യയും ചെറിയ മകളും ഉള്‍ക്കൊള്ളുന്ന കുടുംബത്തി​ന് ആകെയുള്ള കിടപ്പാടം വിറ്റാല്‍ പോലും ഈ ഭീമമായ തുക കണ്ടെത്തുക അസാധ്യമായിരുന്നു.

തുടര്‍ന്ന് കുടുംബം കേരള മുസ്‌ലിം ജമാഅത്ത് പ്രസിഡന്‍്റ് കാന്തപുരം എ.പി അബൂബക്കര്‍ മുസ്‌ലിയാരോട് സഹായമഭ്യര്‍ത്ഥിച്ചു.. അദ്ദേഹം നിര്‍ദ്ദേശിച്ചതിനെ തുടര്‍ന്ന്​ ഐ.സി.എഫ് സൗദി നാഷണല്‍ കമ്മറ്റി വിഷയത്തില്‍ ഇടപെടുകയായിരുന്നു. സിറാജിന്‍്റെ കുടുബം നേരിടുന്ന ദുരവസ്​ഥ വിവരിച്ചുകൊണ്ട്​ ദയാധനത്തില്‍ കുറവുവരുത്തണമെന്ന അപേക്ഷയുമായി കോടതിയെ സമീപിക്കുകയും ബന്ധുക്കളോട്​ അഭ്യര്‍ത്ഥന നടത്തുകയും ചെയ്​തു. തുടര്‍ന്ന്​ മരിച്ചവരുടെ കുടുംബം 33 ലക്ഷം രൂപയായി ദയാധനത്തില്‍ ഇളവ്​ വരുത്തി.

എന്നാല്‍ ഈ തുകയും നല്‍കാന്‍ ബന്ധുക്കള്‍ക്ക് കഴിയാത്തതിനെ തുടര്‍ന്ന് ഐ.സി.എഫ് സൗദി നാഷണല്‍ കമ്മിറ്റി സിറാജി​നെ മോചിപ്പിക്കാനായി വേണ്ടി പണം സ്വരൂപിക്കാന്‍ രംഗത്ത്​ ഇറങ്ങുകയായിരുന്നു. പണം നല്‍കിയതോടെ നടപടി ക്രമങ്ങള്‍ പൂര്‍ത്തിയാക്കി കഴിഞ്ഞ ദിവസം സിറാജിനെ മോചിപ്പിച്ചു. ഇതേ തുടര്‍ന്നാണ് അദ്ദേഹത്തിന് നാട്ടിലെത്താനുള്ള വഴിയൊരുങ്ങിയത്. രണ്ട് ദിവസത്തിന് ശേഷം അദ്ദേഹം നാട്ടിലെത്തും.

Advertisment