ഛര്‍ദ്ദിക്കും എന്ന ഒറ്റ കാരണത്താല്‍ യാത്രകള്‍ പലതും ഒഴിവാക്കുന്നവരെ നമുക്ക് അറിയുന്നുണ്ടാകും; ഇതിന് കാരണവും പരിഹാരവും എന്തെല്ലാമെന്ന് നോക്കാം..

എവിടേക്കെങ്കിലും ഒരു യാത്ര പോയാലോ എന്ന് പ്ലാന്‍ ചെയ്യുമ്പോഴേയ്ക്കും ഞാന്‍ ഇല്ല, ഛര്‍ദ്ദിക്കാന്‍ വരും, എന്ന് പറഞ്ഞ് ഒഴിഞ്ഞു മാറുന്നവരെ കണ്ടിട്ടുണ്ടാകും. ഇത്തരത്തില്‍ ഛര്‍ദ്ദിക്കും എന്ന ഒറ്റ കാരണത്താല്‍ യാത്രകള്‍ പലതും ഒഴിവാക്കുന്നവരെ നമുക്ക് അറിയുന്നുണ്ടാകും. ചിലപ്പോള്‍ നിങ്ങള്‍ക്ക് തന്നെ ഇത്തരം പ്രശ്‌നങ്ങള്‍ ഉണ്ടായെന്നും വരാം. ഇതിന് കാരണവും പരിഹാരവും എന്തെല്ലാമെന്ന് നോക്കാം.

മോഷന്‍ സിക്ക്‌നസ്സ്



യാത്ര ചെയ്യുമ്പോള്‍ കാറ്റടിച്ച് പെട്ടെന്ന് തന്നെ ഛര്‍ദ്ദിക്കാന്‍ തോന്നുന്നത്, അതുപോലെ, മനംപിരട്ടല്‍ എന്നീ പ്രശ്‌നങ്ങള്‍ ഉണ്ടാകുന്നതിനെയാണ് മോഷന്‍ സിക്ക്‌നസ്സ് എന്ന് വിളിക്കുന്നത്. ഇത് പ്രധാനമായും സ്ത്രീകളിലും കുട്ടികളിലുമാണ് ഇത്തരം പ്രശ്‌നങ്ങള്‍ അമിതമായി കാണപ്പെടുന്നത്. നിങ്ങള്‍ യാത്ര ചെയ്യുമ്പോള്‍ നിങ്ങളുടെ തലച്ചോറിന് കണ്ണില്‍ നിന്നും, ചെവിയില്‍ നിന്നും ശരീരത്തില്‍ നിന്നും കൃത്യമായ വിവരങ്ങള്‍ ലഭിക്കാതിരിക്കുന്ന അവസരത്തിലാണ് ഛര്‍ദ്ദിക്കാന്‍ വരുന്നതും മനംപിരട്ടല്‍ അനുഭവപ്പെടുന്നതും. ചിലര്‍ക്ക് ബസില്‍ യാത്ര ചെയ്യുമ്പോള്‍, ചലര്‍ക്ക് കാറില്‍ യാത്ര ചെയ്യുമ്പോള്‍, ബോട്ട്, വിമാനം എന്നിവയിലെല്ലാം സഞ്ചരിക്കുമ്പോള്‍ ഇതരം ബുദ്ധിമുട്ട് അനുഭവപ്പെട്ടെന്നിരിക്കാം.

ഇത് ഇല്ലാതാരിക്കാന്‍ എന്തെല്ലാം കാര്യങ്ങള്‍ യാത്രയില്‍ ശ്രദ്ധിക്കാം



1. എല്ലായ്‌പ്പോഴും നല്ല ഫ്രഷ് എയര്‍ ലഭിക്കുന്ന സ്ഥലത്ത് ഇരിക്കാന്‍ പരമാവധി ശ്രമിക്കാം. ഇത് ഛര്‍ദ്ദിക്കാന്‍ വരുന്നത് കുറയ്ക്കുന്നതാണ്.

2. യാത്ര ചെയ്യുമ്പോള്‍ ഫോണില്‍ നോക്കുന്നത് പരമാവധി കുറയ്ക്കാന്‍ ശ്രമിക്കുക. ഫോണ്‍ മാത്രമല്ല, പുസ്തകങ്ങള്‍ എന്നിവയെല്ലാം മാറ്റി വയ്ക്കാവുന്നതാണ്. ഇതിനു പകരം അകലെയുള്ള വസ്തുക്കളെ നോക്കി ഇരിക്കാവുന്നതാണ്.

3. കയ്യില്‍ നല്ല തുളസി, അല്ലെങ്കില്‍ ഇഞ്ചി, ലാവണ്ടര്‍ സെന്റ്, എന്നിവയെല്ലാം കരുതാവുന്നതാണ്. ഇവ മണപ്പിക്കുമ്പോള്‍ ഈ ഛര്‍ദ്ദിക്കാനുള്ള വരവ് കുറയും.

4. നന്നായി വെള്ളം കുടിക്കുന്നത്, അതുപോലെ, അധികം ഹെവി അയിട്ടുള്ള ഭക്ഷണം കഴിക്കാതെ, ലൈറ്റ് ഫുഡ് കഴിച്ച് യാത്രയ്ക്ക് തിരിക്കുന്നത് നല്ലതാണ്. എരിവുള്ളതും, എണ്ണമയമുള്ളതുമായ ഭക്ഷണങ്ങള്‍ ഒഴിവാക്കാം.

5. ഇടയ്ക്കിടയക്ക് കണ്ണുകള്‍ അടച്ച് ഇരിക്കുന്നത് നല്ലതാണ്. ഇതും ഛര്‍ദ്ദിക്കാനുള്ള തോന്നല്‍ കുറയ്ക്കും.

6. ബോട്ടില്‍ സഞ്ചരിക്കുമ്പോള്‍ മധ്യഭാഗത്തായി ഇരിക്കാന്‍ ശ്രദ്ധിക്കാം. അതുപോലെ, ബസില്‍ വിന്‍ഡോ സീറ്റിലും കാറില്‍ മുന്‍ സീറ്റിലും ഇരിക്കുന്നത് ഇത്തരക്കാര്‍ക്ക് നല്ലതാണ്.

7. ട്രെയ്‌നില്‍ യാത്ര ചെയ്യുമ്പോഴും ചിലര്‍ക്ക് കുറേ നേരം നോക്കി ഇരുന്നാല്‍ ഛര്‍ദ്ദിക്കാന്‍ വരാം. ഇതിനായി വിന്‍ഡോ സീറ്റിനെ അഭിമുഖീകരിച്ചിരിക്കുന്ന ഭാഗം തിരഞ്ഞെടുക്കാവുന്നതാണ്.

8. വിമാനത്തില്‍ യാത്ര ചെയ്യുമ്പോള്‍ വിംഗ് സെക്ഷനില്‍ ഇരിക്കുന്നത് നല്ലതാണ്. ഛര്‍ദ്ദിക്കാനുള്ള തോന്നല്‍ കുറയ്ക്കും.