നാക്കിന് പൊള്ളലേറ്റാൽ ചെയ്യേണ്ട കാര്യങ്ങൾ ഇതൊക്കെയാണ്..

വളരെ ചൂടുള്ളത് എന്തെങ്കിലും കഴിച്ചാൽ നമ്മുടെ നാക്കിന് പെട്ടെന്ന് പൊള്ളലേൽക്കും. നാക്കിന് പൊള്ളലേറ്റാൽ എരിവുള്ള ഭക്ഷണങ്ങളോ  ചെറിയ ചൂടുള്ള ഭക്ഷണങ്ങളോ പോലും കഴിക്കാൻ ആളുകൾക്ക് ബുദ്ധിമുട്ടാണ്. നാവിന് ഉണ്ടാകുന്ന പൊള്ളലുകൾ സാധാരണ ഗതിയിൽ പെട്ടന്ന് മാറാറുണ്ട്. എന്നാൽ ബുദ്ധിമുട്ടുകൾ രണ്ടാഴ്ചയിൽ കൂടുതൽ നിലനിന്നാൽ ആരോഗ്യ വിദഗ്ദ്ധനെ കാണേണ്ടത് അത്യാവശ്യമാണ്.

കറ്റാർവാഴയ്ക്ക് നമ്മുടെ ചർമ്മത്തിൽ  ഉണ്ടാകുന്ന പൊള്ളലുകൾക്ക് പരിഹാരമാകാൻ സാധിക്കാറുണ്ട്. പല പ്രാവശ്യം കറ്റാർ വാഴയുടെ നീര് നാക്കിന്റെ പൊള്ളിയ ഭാഗത്ത് പുരട്ടുന്നത് വേദന കുറയ്ക്കാൻ സാധിക്കും. കറ്റാർ വാഴയുടെ നീര് തേച്ച ശേഷം ചെറു ചൂട് വെള്ളത്തിൽ വായ കഴിക്കണം.

ഹൈഡ്രജൻ പെറോക്‌സൈഡ് ഒരു ആന്റിസെപ്റ്റിക്കാണ്. ഇതിന് നാക്കിലുണ്ടാകുന്ന പൊള്ളലുകളും  മറ്റ് അണുബാധകളും ഇല്ലാതാക്കാനുള്ള കഴിവുണ്ട്. ഹൈഡ്രജൻ പെറോക്‌സൈഡ് വെള്ളത്തിൽ അലിയിച്ച ശേഷം പഞ്ഞിയിൽ മുക്കി പൊള്ളലേറ്റ ഭാഗത്ത് വെയ്ക്കുക. ശേഷം ചെറു ചൂട് വെള്ളത്തിൽ വായ കഴുകാനും മറക്കരുത്.

വേദന കുറയ്ക്കാനും അണുബാധ ഇല്ലാതാക്കാനും സഹായിക്കുന്ന മറ്റൊരു വഴിയാണ് വായിൽ ഉപ്പ് വെള്ളം കൊള്ളുകയെന്നത്. ഒരു കപ്പ് ചൂട് വെള്ളത്തിൽ ഉപ്പിട്ട് പലതവണ ഉപ്പ് വെള്ളം വായിൽ കൊള്ളുക. ഇത് പൊള്ളൽ ഭേദമാകാൻ സഹായിക്കും.

പൊള്ളലേറ്റ് ദിവസങ്ങൾ കഴിഞ്ഞിട്ടും വേദനയും പൊള്ളലും കുറയുന്നില്ലെങ്കിൽ ആരോഗ്യ വിദഗ്‌ധനെ കാണേണ്ടതും ആന്റി ബയോടിക്‌സോ, വൈറ്റമിൻ സപ്പ്ളിമെൻറ്സും കഴിക്കേണ്ടത് അത്യാവശ്യമാണ്. അത് പോലെ തന്നെ എരിവുള്ളതും അസിഡിറ്റി ഉള്ള ഭക്ഷണങ്ങളും ഒഴിവാക്കാൻ മറക്കരുത്.