വാഷിങ്ടണ്: യുക്രൈന്-റഷ്യ യുദ്ധവുമായി ബന്ധപ്പെട്ടുള്ള സംഭവവികാസങ്ങള് യുഎസും ചൈനയും വിലയിരുത്തി. യുഎസ് പ്രസിഡന്റ് ജോ ബൈഡനും, ചൈനീസ് പ്രസിഡന്റ് ഷീ ജിന്പിങും രണ്ട് മണിക്കൂറോളം വീഡിയോ കോളില് സംസാരിച്ചു.
യുദ്ധത്തിനോട് താത്പര്യമില്ലെന്നും, സമാധാനവും സുരക്ഷയുമാണ് വേണ്ടതെന്നും ചൈനീസ് പ്രസിഡന്റ് പറഞ്ഞു. ചൈനയും യുഎസും രാജ്യാന്തര ഉത്തരവാദിത്തങ്ങൾ ഏറ്റെടുക്കണമെന്നും ഷി ചിൻപിങ് പറഞ്ഞു.