പാലക്കാട്: മദ്യപിച്ചുണ്ടായ വഴക്കിനിടെ തലയ്ക്ക് അടിയേറ്റ യുവാവ് മരിച്ചു. ചിറ്റില്ലഞ്ചേരി കാത്താംപൊറ്റ പാട്ട രതീഷ് കുമാറാണ് (38) മരിച്ചത്. സംഭവത്തില് അച്ഛന് ബാലകൃഷ്ണന്(67) സഹോദരന് പ്രമോദ്(35) എന്നിവരെ ആലത്തൂര് പോലീസ് അറസ്റ്റു ചെയ്തു.
തിങ്കളാഴ്ച രാത്രി 10 മണിയോടെയാണ് സംഭവം. രതീഷ് മദ്യപിച്ച് വഴക്കുണ്ടാക്കുന്നത് പതിവായിരുന്നുവെന്ന് വീട്ടുകാര് പറയുന്നു. മദ്യപാനം കൂടിയതിനെ തുടര്ന്ന് രതീഷിനെ പാലക്കാട് ലഹരി വിമുക്ത കേന്ദ്രത്തിലാക്കി. ഇതിനിടെ കൊവിഡ് ബാധിതനായി. കോവിഡ് ചികിത്സയ്ക്ക് ശേഷം തിങ്കളാഴ്ച വൈകീട്ടോടെയാണ് രതീഷ് വീട്ടിലേക്ക് മടങ്ങിവന്നത്.
മദ്യപിച്ചെത്തിയ രതീഷ് ലഹരി വിമുക്ത കേന്ദ്രത്തിലാക്കിയതിനെ ചൊല്ലി അച്ഛനോടും, സഹോദരനോടും വഴക്കിടുകയും അച്ഛനെ മര്ദ്ദിക്കുകയും ചെയ്തു. മര്ദ്ദനമേറ്റ അച്ഛന് നടക്കാന് ഉപയോഗിക്കുന്ന വടികൊണ്ട് തല്ലിയെങ്കിലും വീണ്ടു അച്ഛനെ മര്ദ്ദിക്കാനൊരുങ്ങിയപ്പോള് സഹോദരന് പ്രമോദ് രതീഷിനെ വടികൊണ്ട് അടിക്കുകയായിരിന്നുവെന്ന് പോലീസ് പറഞ്ഞു.