തിരുവനന്തപുരം: വിവാദമായ മാര്ക്ക് ജിഹാദ് വിവാദ പരാമര്ശം നടത്തിയ ഡല്ഹി യൂണിവേഴ്സിറ്റിയിലെ കിരോരി മാള് കോളേജിലെ പ്രൊഫസര് രാകേഷ് കുമാര് പാണ്ഡെയ്ക്കെതിരെ നടപടി എടുക്കണമെന്ന് ആവശ്യപ്പെട്ട് കേന്ദ്ര വിദ്യാഭ്യാസ മന്ത്രിയ്ക്കും ഡല്ഹി സര്വകലാശാല വൈസ് ചാന്സലര്ക്കും കത്തയച്ച് വിദ്യാഭ്യാസ മന്ത്രി വി ശിവന്കുട്ടി.
കേരളത്തില് നിന്നുള്ള വിദ്യാര്ഥികള്ക്കെതിരെയുള്ള വര്ഗീയതയും വംശീയതയും നിറഞ്ഞ പരാമര്ശമാണ് പ്രൊഫസര് നടത്തിയത്. വിദ്യാര്ഥികള്ക്കിടയില് സ്പര്ദ്ധ വളര്ത്താന് കാരണമായേക്കാവുന്ന പ്രസ്താവനയാണിതെന്നും മന്ത്രി ചൂണ്ടിക്കാണിച്ചു. ക്രിമിനല് നിയമപ്രകാരവും വകുപ്പുതലത്തിലും പ്രൊഫസര്ക്കെതിരേ നടപടി വേണമെന്ന് മന്ത്രി ആവശ്യപ്പെട്ടു.