Advertisment

മാധ്യമപ്രവർത്തകരെ ആക്രമിച്ച സംഭവം ; ബിജെപി പ്രവർത്തകർക്കെതിരെ കേസ്

author-image
ന്യൂസ് ബ്യൂറോ, തിരുവനന്തപുരം
Updated On
New Update

publive-image

ജയിൽ മോചിതനായ പി.സി ജോർജിനെ സ്വീകരിക്കാൻ എത്തിയ ബിജെപി പ്രവര്‍ത്തകര്‍ മാധ്യമപ്രവർത്തകരെ ആക്രമിച്ച സംഭവത്തിൽ കേസെടുത്തു. പൂജപ്പുര പ്രദേശത്തിൻറെ ചുമതലയുള്ള ബിജെപി പ്രവർത്തകരായ കൃഷ്ണകുമാർ, പ്രണവ് എന്നിവർക്കെതിരെയാണ് കേസെടുത്തിരിക്കുന്നത്. മനപ്പൂർവ്വം ആക്രമിക്കൽ, തടങ്കലിൽ വയ്ക്കൽ, വാക്കാലുള്ള അധിക്ഷേപം എന്നിവയ്ക്കാണ് കേസ് രജിസ്റ്റർ ചെയ്തിരിക്കുന്നത്.

പി.സി. ജോർജിനെ ജയിലിൽ നിന്ന് മോചിപ്പിച്ചപ്പോൾ ബി.ജെ.പി അദ്ദേഹത്തെ സ്വീകരിക്കാൻ എത്തിയപ്പോൾ മാദ്ധ്യമപ്രവർത്തകർ പ്രതികരണം തേടുകയായിരുന്നു. 24 ലെ ക്യാമറാമാൻ എസ് ആർ അരുണിനും ആക്രമണത്തിൽ പരിക്കേറ്റിട്ടുണ്ട്. പ്രധാന കവാടത്തിൻറെ വശത്ത് സ്ഥാപിച്ച ക്യാമറകളുമായി പി.സി.ജോർജ് പുറത്തേക്ക് വരുന്നതുവരെ മാധ്യമപ്രവർത്തകർ കാത്തുനിൽക്കുമ്പോഴായിരുന്നു ആക്രമണം.

Advertisment