കൊച്ചി: കോണ്ഗ്രസ് പ്രസിഡന്റ് തിരഞ്ഞെടുപ്പില് മല്ലികാര്ജുന ഖാര്ഗെയുടെ വിജയത്തിന് വേണ്ടി പ്രവര്ത്തിക്കുമെന്ന് പ്രതിപക്ഷ നേതാവ് വി.ഡി.സതീശന്. ദളിത് വിഭാഗത്തില്പ്പെട്ട ഒരാള് കോണ്ഗ്രസ് അധ്യക്ഷനാകുന്ന അഭിമാന മുഹൂര്ത്തത്തിന് വേണ്ടി കാത്തിരിക്കുകയാണ്. മുതിര്ന്ന നേതാക്കളെല്ലാം കൂടിയാലോചിച്ചാണ് അദ്ദേഹത്തെ സ്ഥാനാര്ഥിയാക്കിയിരിക്കുന്നത്. അതുകൊണ്ടുതന്നെ ഖാര്ഗെയെ പിന്തുണയ്ക്കുമെന്നും അദ്ദേഹം പറഞ്ഞു.
അതുകൊണ്ടുതന്നെ ഖാര്ഗെയെ പിന്തുണയ്ക്കും. പാര്ട്ടി അധ്യക്ഷ സ്ഥാനത്തേക്കുള്ള മത്സരം ജനാധിപത്യത്തിന്റെ മനോഹാരിതയാണ്. ജനാധിപത്യ പാര്ട്ടിയാണ് കോണ്ഗ്രസ്. സിപിഎമ്മിലോ ബിജെപിയിലോ മത്സരം നടക്കാറുണ്ടോ? ആരെയെങ്കിലും എവിടെയെങ്കിലും വച്ച് തീരുമാനിക്കുകയാണ് അവരുടെ പതിവ്. യോഗ്യതയുള്ള ആര്ക്കും മത്സരിക്കാമെന്നാണ് കോണ്ഗ്രസ് പറഞ്ഞത്. അത് ജനാധിപത്യ പാര്ട്ടിയുടെ മാത്രം സവിശേഷതയാണ്.
അധ്യക്ഷ സ്ഥാനത്തേക്ക് ശശി തരൂരിനെ കേരളത്തിലെ കോണ്ഗ്രസ് നേതാക്കളില് ചിലര് പിന്തുണയ്ക്കുന്നത് പാര്ട്ടിയില് ചേരിതിരിവുണ്ടാക്കില്ലെന്നും സതീശന് പറഞ്ഞു.