കരിപ്പൂർ: കോഴിക്കോട് വിമാനത്താവളത്തിൽ എയർ കസ്റ്റംസ് ഇന്റലിജൻസ് 61.75 ലക്ഷത്തിന്റെ സ്വർണം പിടികൂടി. ജനുവരി 28ന് എത്തിയ മൂന്ന് യാത്രികരിൽ നിന്നാണ് ഒരു കിലോഗ്രാം സ്വർണം പിടിച്ചെടുത്തത്. കാസർകോട് സ്വദേശി അബ്ദുറഹ്മാനിൽ നിന്ന് 451 ഗ്രാം സ്വർണമാണ് കണ്ടെടുത്തത്. ഇയാൾ എയർഇന്ത്യ എക്സ്പ്രസിൽ ദുബൈയിൽ നിന്നാണ് എത്തിയത്. ചാർജിങ് അഡാപ്റ്റർ, കളിപ്പാട്ടങ്ങൾ, ലിപ്സ്റ്റിക്, പീലേഴ്സ് എന്നിവ കണ്ടപ്പോൾ സംശയം തോന്നി കസ്റ്റംസ് പിടിച്ചുവെക്കുകയും പിന്നീട് പരിശോധിച്ച് ഉരുക്കി വേർതിരിക്കുകയുമായിരുന്നു. പിടികൂടിയ സ്വർണത്തിന് 25.62 ലക്ഷം രൂപ വില വരും.